| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
4. பாசித்தியனித்³தே³ஸோ
4. Pācittiyaniddeso
30.
30.
ஸம்பஜானமுஸாவாதே³, பாசித்தியமுதீ³ரிதங்;
Sampajānamusāvāde, pācittiyamudīritaṃ;
பி⁴க்கு²ஞ்ச ஓமஸந்தஸ்ஸ, பேஸுஞ்ஞஹரணேபி ச.
Bhikkhuñca omasantassa, pesuññaharaṇepi ca.
31.
31.
ட²பெத்வா பி⁴க்கு²னிங் பி⁴க்கு²ங், அஞ்ஞேன பிடகத்தயங்;
Ṭhapetvā bhikkhuniṃ bhikkhuṃ, aññena piṭakattayaṃ;
பத³ஸோத⁴ம்மங் ப⁴ணந்தஸ்ஸ, பாசித்தியமுதீ³ரிதங்.
Padasodhammaṃ bhaṇantassa, pācittiyamudīritaṃ.
32.
32.
அனுபஸம்பன்னேனேவ, ஸயித்வான திரத்தியங்;
Anupasampanneneva, sayitvāna tirattiyaṃ;
பாசித்தி ஸஹஸெய்யாய, சதுத்த²த்த²ங்க³தே புன.
Pācitti sahaseyyāya, catutthatthaṅgate puna.
33.
33.
இத்தி²யா ஏகரத்தம்பி, ஸெய்யங் கப்பயதோபி வா;
Itthiyā ekarattampi, seyyaṃ kappayatopi vā;
தே³ஸெந்தஸ்ஸ வினா விஞ்ஞுங், த⁴ம்மஞ்ச ச²ப்பது³த்தரிங்.
Desentassa vinā viññuṃ, dhammañca chappaduttariṃ.
34.
34.
து³ட்டு²ல்லங் பி⁴க்கு²னோ வஜ்ஜங், பி⁴க்கு²ஸம்முதியா வினா;
Duṭṭhullaṃ bhikkhuno vajjaṃ, bhikkhusammutiyā vinā;
அபி⁴க்கு²னோ வத³ந்தஸ்ஸ, பாசித்தியமுதீ³ரிதங்.
Abhikkhuno vadantassa, pācittiyamudīritaṃ.
35.
35.
க²ணெய்ய வா க²ணாபெய்ய, பத²விஞ்ச அகப்பியங்;
Khaṇeyya vā khaṇāpeyya, pathaviñca akappiyaṃ;
பூ⁴தகா³மங் விகோபெய்ய, தஸ்ஸ பாசித்தியங் ஸியா.
Bhūtagāmaṃ vikopeyya, tassa pācittiyaṃ siyā.
36.
36.
அஜ்ஜோ²காஸே து மஞ்சாதி³ங், கத்வா ஸந்த²ரணாதி³கங்;
Ajjhokāse tu mañcādiṃ, katvā santharaṇādikaṃ;
ஸங்கி⁴கங் யாதி பாசித்தி, அகத்வாபுச்ச²னாதி³கங்.
Saṅghikaṃ yāti pācitti, akatvāpucchanādikaṃ.
37.
37.
ஸங்கி⁴காவஸதே² ஸெய்யங், கத்வா ஸந்த²ரணாதி³கங்;
Saṅghikāvasathe seyyaṃ, katvā santharaṇādikaṃ;
அகத்வாபுச்ச²னாதி³ங் யோ, யாதி பாசித்தி தஸ்ஸபி.
Akatvāpucchanādiṃ yo, yāti pācitti tassapi.
38.
38.
ஜானங் ஸப்பாணகங் தோயங், பாசித்தி பரிபு⁴ஞ்ஜதோ;
Jānaṃ sappāṇakaṃ toyaṃ, pācitti paribhuñjato;
அஞ்ஞாதிகா பி⁴க்கு²னியா, ட²பெத்வா பாரிவத்தகங்.
Aññātikā bhikkhuniyā, ṭhapetvā pārivattakaṃ.
39.
39.
சீவரங் தே³தி பாசித்தி, சீவரங் ஸிப்³ப³தோபி ச;
Cīvaraṃ deti pācitti, cīvaraṃ sibbatopi ca;
அதிரித்தங் அகாரெத்வா, பவாரெத்வான பு⁴ஞ்ஜதோ.
Atirittaṃ akāretvā, pavāretvāna bhuñjato.
40.
40.
பி⁴க்கு²ங் ஆஸாத³னாபெக்கோ², பவாரேதி பவாரிதங்;
Bhikkhuṃ āsādanāpekkho, pavāreti pavāritaṃ;
அனதிரித்தேன பு⁴த்தே து, பாசித்தியமுதீ³ரிதங்.
Anatirittena bhutte tu, pācittiyamudīritaṃ.
41.
41.
ஸன்னிதி⁴போ⁴ஜனங் பு⁴ஞ்ஜே, விகாலே யாவகாலிகங்;
Sannidhibhojanaṃ bhuñje, vikāle yāvakālikaṃ;
பு⁴ஞ்ஜதோ வாபி பாசித்தி, அகி³லானோ பணீதகங்.
Bhuñjato vāpi pācitti, agilāno paṇītakaṃ.
42.
42.
விஞ்ஞாபெத்வான பு⁴ஞ்ஜெய்ய, ஸப்பிப⁴த்தாதி³கம்பி ச;
Viññāpetvāna bhuñjeyya, sappibhattādikampi ca;
அப்படிக்³க³ஹிதங் பு⁴ஞ்ஜே, த³ந்தகட்டோ²த³கங் வினா.
Appaṭiggahitaṃ bhuñje, dantakaṭṭhodakaṃ vinā.
43.
43.
தித்தி²யஸ்ஸ த³தே³ கிஞ்சி, பு⁴ஞ்ஜிதப்³ப³ங் ஸஹத்த²தோ;
Titthiyassa dade kiñci, bhuñjitabbaṃ sahatthato;
நிஸஜ்ஜங் வாரஹோ கப்பே, மாதுகா³மேன சேகதோ.
Nisajjaṃ vāraho kappe, mātugāmena cekato.
44.
44.
ஸுராமேரயபானேபி, பாசித்தியமுதீ³ரிதங்;
Surāmerayapānepi, pācittiyamudīritaṃ;
அங்கு³லிபதோத³கே சாபி, ஹஸத⁴ம்மேபி சோத³கே.
Aṅgulipatodake cāpi, hasadhammepi codake.
45.
45.
அனாத³ரேபி பாசித்தி, பி⁴க்கு²ங் பீ⁴ஸயதோபி வா;
Anādarepi pācitti, bhikkhuṃ bhīsayatopi vā;
ப⁴யானகங் கத²ங் கத்வா, த³ஸ்ஸெத்வா வா ப⁴யானகங்.
Bhayānakaṃ kathaṃ katvā, dassetvā vā bhayānakaṃ.
46.
46.
ட²பெத்வா பச்சயங் கிஞ்சி, அகி³லானோ ஜலெய்ய வா;
Ṭhapetvā paccayaṃ kiñci, agilāno jaleyya vā;
ஜோதிங் ஜலாபயெய்யாபி, தஸ்ஸ பாசித்தியங் ஸியா.
Jotiṃ jalāpayeyyāpi, tassa pācittiyaṃ siyā.
47.
47.
கப்பபி³ந்து³மனாதா³ய, நவசீவரபோ⁴கி³னோ;
Kappabindumanādāya, navacīvarabhogino;
ஹஸாபெக்க²ஸ்ஸ பாசித்தி, பி⁴க்கு²னோ சீவராதி³கங்.
Hasāpekkhassa pācitti, bhikkhuno cīvarādikaṃ.
48.
48.
அபனெத்வா நிதெ⁴ந்தஸ்ஸ, நிதா⁴பெந்தஸ்ஸ வா பன;
Apanetvā nidhentassa, nidhāpentassa vā pana;
ஜானங் பாணங் மாரெந்தஸ்ஸ, திரச்சா²னக³தம்பி ச.
Jānaṃ pāṇaṃ mārentassa, tiracchānagatampi ca.
49.
49.
சா²தே³துகாமோ சா²தே³தி, து³ட்டு²ல்லங் பி⁴க்கு²னோபி ச;
Chādetukāmo chādeti, duṭṭhullaṃ bhikkhunopi ca;
கா³மந்தரக³தஸ்ஸாபி, ஸங்விதா⁴யித்தி²யா ஸஹ.
Gāmantaragatassāpi, saṃvidhāyitthiyā saha.
50.
50.
பி⁴க்கு²ங் பஹரதோ வாபி, தலஸத்திகமுக்³கி³ரே;
Bhikkhuṃ paharato vāpi, talasattikamuggire;
சோதே³தி வா சோதா³பேதி, க³ருகாமூலகேனபி.
Codeti vā codāpeti, garukāmūlakenapi.
51.
51.
குக்குச்சுப்பாத³னே சாபி, ப⁴ண்ட³னத்தா²யுபஸ்ஸுதிங்;
Kukkuccuppādane cāpi, bhaṇḍanatthāyupassutiṃ;
ஸோதுங் ப⁴ண்ட³னஜாதானங், யாதி பாசித்தியங் ஸியா.
Sotuṃ bhaṇḍanajātānaṃ, yāti pācittiyaṃ siyā.
52.
52.
ஸங்க⁴ஸ்ஸ லாப⁴ங் பரிணாமிதங் து,
Saṅghassa lābhaṃ pariṇāmitaṃ tu,
நாமேதி யோ தங் பரபுக்³க³லஸ்ஸ;
Nāmeti yo taṃ parapuggalassa;
புச்ச²ங் அகத்வாபி ச ஸந்தபி⁴க்கு²ங்,
Pucchaṃ akatvāpi ca santabhikkhuṃ,
பாசித்தி கா³மஸ்ஸ க³தே விகாலேதி.
Pācitti gāmassa gate vikāleti.
