| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৭. নিসীদনসিক্খাপদৰণ্ণনা
7. Nisīdanasikkhāpadavaṇṇanā
৫৩১-৪. সত্তমে – নিসীদনং অনুঞ্ঞাতং হোতীতি কত্থ অনুঞ্ঞাতং? চীৰরক্খন্ধকে পণীতভোজনৰত্থুস্মিং। ৰুত্তঞ্হি তত্থ – ‘‘অনুজানামি, ভিক্খৰে, কাযগুত্তিযা চীৰরগুত্তিযা সেনাসনগুত্তিযা নিসীদন’’ন্তি (মহাৰ॰ ৩৫৩)। সেয্যথাপি পুরাণাসিকোট্ঠোতি যথা নাম পুরাণচম্মকারোতি অত্থো। যথা হি চম্মকারো চম্মং ৰিত্থতং করিস্সামীতি ইতো চিতো চ সমঞ্ছতি, কড্ঢতি; এৰং সোপি তং নিসীদনং। তেন তং ভগৰা এৰমাহ – ‘‘নিসীদনং নাম সদসং ৰুচ্চতী’’তি সন্থতসদিসং সন্থরিত্ৰা একস্মিং অন্তে সুগতৰিদত্থিযা ৰিদত্থিমত্তে পদেসে দ্ৰীসু ঠানেসু ফালেত্ৰা তিস্সো দসা করিযন্তি, তাহি দসাহি সদসং নাম ৰুচ্চতি। সেসমেত্থ উত্তানমেৰ। ছসমুট্ঠানং।
531-4. Sattame – nisīdanaṃ anuññātaṃ hotīti kattha anuññātaṃ? Cīvarakkhandhake paṇītabhojanavatthusmiṃ. Vuttañhi tattha – ‘‘anujānāmi, bhikkhave, kāyaguttiyā cīvaraguttiyā senāsanaguttiyā nisīdana’’nti (mahāva. 353). Seyyathāpi purāṇāsikoṭṭhoti yathā nāma purāṇacammakāroti attho. Yathā hi cammakāro cammaṃ vitthataṃ karissāmīti ito cito ca samañchati, kaḍḍhati; evaṃ sopi taṃ nisīdanaṃ. Tena taṃ bhagavā evamāha – ‘‘nisīdanaṃ nāma sadasaṃ vuccatī’’ti santhatasadisaṃ santharitvā ekasmiṃ ante sugatavidatthiyā vidatthimatte padese dvīsu ṭhānesu phāletvā tisso dasā kariyanti, tāhi dasāhi sadasaṃ nāma vuccati. Sesamettha uttānameva. Chasamuṭṭhānaṃ.
নিসীদনসিক্খাপদং সত্তমং।
Nisīdanasikkhāpadaṃ sattamaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৯. রতনৰগ্গো • 9. Ratanavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৭. নিসীদনসিক্খাপদৰণ্ণনা • 7. Nisīdanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৭. নিসীদনসিক্খাপদৰণ্ণনা • 7. Nisīdanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৭. নিসীদনসিক্খাপদৰণ্ণনা • 7. Nisīdanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৭. নিসীদনসিক্খাপদং • 7. Nisīdanasikkhāpadaṃ
