| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৭. নিসীদনসিক্খাপদং
7. Nisīdanasikkhāpadaṃ
৫৩১. সত্তমে কত্থাতি কিস্মিং খন্ধকে, কিস্মিং ৰত্থুস্মিং ৰা। হীতি সচ্চং। তত্থাতি চীৰরক্খন্ধকে, পণীতভোজনৰত্থুস্মিং ৰা। ‘‘যথা নামা’’তি ইমিনা ‘‘সেয্যথাপী’’তি পদস্স অত্থং দস্সেতি, ‘‘পুরাণো চম্মকারো’’তি ইমিনা ‘‘পুরাণাসিকোট্ঠো’’তি পদস্স। চম্মকারো হি অসিনা চম্মং কুটতি ছিন্দতীতি ‘‘অসিকোট্ঠো’’তি ৰুচ্চতি। ৰত্থুপ্পন্নকালমুপনিধায ৰুত্তং ‘‘পুরাণো’’তি । তমেৰূপমং পাকটং করোন্তো আহ ‘‘যথা হী’’তি। হীতি তপ্পাকটীকরণং, তং পাকটং করিস্সামীতি হি অত্থো। চম্মকারো কড্ঢতীতি সম্বন্ধো। ৰিত্থতন্তি ৰিসালং। সোপীতি উদাযীপি। তং নিসীদনং কড্ঢতীতি যোজনা। তেনাতি কড্ঢনহেতুনা। তন্তি উদাযিং। সন্থতসদিসন্তি সন্থতেন সদিসং। একস্মিং অন্তেতি একস্মিং কোট্ঠাসে, ফালেত্ৰাতি সম্বন্ধোতি। সত্তমং।
531. Sattame katthāti kismiṃ khandhake, kismiṃ vatthusmiṃ vā. Hīti saccaṃ. Tatthāti cīvarakkhandhake, paṇītabhojanavatthusmiṃ vā. ‘‘Yathā nāmā’’ti iminā ‘‘seyyathāpī’’ti padassa atthaṃ dasseti, ‘‘purāṇo cammakāro’’ti iminā ‘‘purāṇāsikoṭṭho’’ti padassa. Cammakāro hi asinā cammaṃ kuṭati chindatīti ‘‘asikoṭṭho’’ti vuccati. Vatthuppannakālamupanidhāya vuttaṃ ‘‘purāṇo’’ti . Tamevūpamaṃ pākaṭaṃ karonto āha ‘‘yathā hī’’ti. Hīti tappākaṭīkaraṇaṃ, taṃ pākaṭaṃ karissāmīti hi attho. Cammakāro kaḍḍhatīti sambandho. Vitthatanti visālaṃ. Sopīti udāyīpi. Taṃ nisīdanaṃ kaḍḍhatīti yojanā. Tenāti kaḍḍhanahetunā. Tanti udāyiṃ. Santhatasadisanti santhatena sadisaṃ. Ekasmiṃ anteti ekasmiṃ koṭṭhāse, phāletvāti sambandhoti. Sattamaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৯. রতনৰগ্গো • 9. Ratanavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৭. নিসীদনসিক্খাপদৰণ্ণনা • 7. Nisīdanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৭. নিসীদনসিক্খাপদৰণ্ণনা • 7. Nisīdanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৭. নিসীদনসিক্খাপদৰণ্ণনা • 7. Nisīdanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৭. নিসীদনসিক্খাপদৰণ্ণনা • 7. Nisīdanasikkhāpadavaṇṇanā
