| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൧൧. നിരോധകഥാവണ്ണനാ
11. Nirodhakathāvaṇṇanā
൩൫൩. യേസം ദ്വിന്നന്തി യേസം ദ്വിന്നം ദുക്ഖസച്ചാനം. ദ്വീഹി നിരോധേഹീതി അപ്പടിസങ്ഖാപടിസങ്ഖാസങ്ഖാതേഹി ദ്വീഹി നിരോധേഹി. തത്ഥ ദുക്ഖാദീനം പടിസങ്ഖാതി പടിസങ്ഖാ, പഞ്ഞാവിസേസോ. തേന വത്തബ്ബോ നിരോധോ പടിസങ്ഖാനിരോധോ. യോ സാസവേഹി ധമ്മേഹി വിസംയോഗോതി വുച്ചതി, യോ പച്ചയവേകല്ലേന ധമ്മാനം ഉപ്പാദസ്സ അച്ചന്തവിബന്ധഭൂതോ നിരോധോ, സോ പടിസങ്ഖായ നവത്തബ്ബതോ അപ്പടിസങ്ഖാനിരോധോ നാമാതി പരവാദിനോ ലദ്ധി. പടിസങ്ഖായ വിനാ നിരുദ്ധാതി പച്ചയവേകല്ലേന അനുപ്പത്തിം സന്ധായ വുത്തം. തേനാഹ ‘‘ന ഉപ്പജ്ജിത്വാ ഭങ്ഗാ’’തി. അനുപ്പാദോപി ഹി നിരോധോതി വുച്ചതി യതോ ‘‘ഇമസ്സുപ്പാദാ ഇദം ഉപ്പജ്ജതീ’’തി ലക്ഖണുദ്ദേസസ്സ പടിലോമേ ‘‘ഇമസ്സ നിരോധാ ഇദം നിരുജ്ഝതീ’’തി ദസ്സിതോ. തേനാതി പടിസങ്ഖായ നിരോധസ്സ ഖണികനിരോധസ്സ ച ഇധ നാധിപ്പേതത്താ.
353. Yesaṃ dvinnanti yesaṃ dvinnaṃ dukkhasaccānaṃ. Dvīhi nirodhehīti appaṭisaṅkhāpaṭisaṅkhāsaṅkhātehi dvīhi nirodhehi. Tattha dukkhādīnaṃ paṭisaṅkhāti paṭisaṅkhā, paññāviseso. Tena vattabbo nirodho paṭisaṅkhānirodho. Yo sāsavehi dhammehi visaṃyogoti vuccati, yo paccayavekallena dhammānaṃ uppādassa accantavibandhabhūto nirodho, so paṭisaṅkhāya navattabbato appaṭisaṅkhānirodho nāmāti paravādino laddhi. Paṭisaṅkhāya vinā niruddhāti paccayavekallena anuppattiṃ sandhāya vuttaṃ. Tenāha ‘‘na uppajjitvā bhaṅgā’’ti. Anuppādopi hi nirodhoti vuccati yato ‘‘imassuppādā idaṃ uppajjatī’’ti lakkhaṇuddesassa paṭilome ‘‘imassa nirodhā idaṃ nirujjhatī’’ti dassito. Tenāti paṭisaṅkhāya nirodhassa khaṇikanirodhassa ca idha nādhippetattā.
നിരോധകഥാവണ്ണനാ നിട്ഠിതാ.
Nirodhakathāvaṇṇanā niṭṭhitā.
ദുതിയവഗ്ഗവണ്ണനാ നിട്ഠിതാ.
Dutiyavaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൨൦) ൧൧. നിരോധകഥാ • (20) 11. Nirodhakathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൧. നിരോധകഥാവണ്ണനാ • 11. Nirodhakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൧൧. നിരോധകഥാവണ്ണനാ • 11. Nirodhakathāvaṇṇanā
