| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൧൨. നിരോധധമ്മസുത്തം
12. Nirodhadhammasuttaṃ
൧൮൧. സാവത്ഥിനിദാനം. ഏകമന്തം നിസിന്നോ ഖോ ആയസ്മാ രാധോ ഭഗവന്തം ഏതദവോച – ‘‘‘നിരോധധമ്മോ, നിരോധധമ്മോ’തി , ഭന്തേ, വുച്ചതി. കതമോ നു ഖോ, ഭന്തേ, നിരോധധമ്മോ’’തി? ‘‘രൂപം ഖോ, രാധ, നിരോധധമ്മോ, വേദനാ നിരോധധമ്മോ, സഞ്ഞാ നിരോധധമ്മോ, സങ്ഖാരാ നിരോധധമ്മോ, വിഞ്ഞാണം നിരോധധമ്മോ. ഏവം പസ്സം…പേ॰… നാപരം ഇത്ഥത്തായാതി പജാനാതീ’’തി. ദ്വാദസമം.
181. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘nirodhadhammo, nirodhadhammo’ti , bhante, vuccati. Katamo nu kho, bhante, nirodhadhammo’’ti? ‘‘Rūpaṃ kho, rādha, nirodhadhammo, vedanā nirodhadhammo, saññā nirodhadhammo, saṅkhārā nirodhadhammo, viññāṇaṃ nirodhadhammo. Evaṃ passaṃ…pe… nāparaṃ itthattāyāti pajānātī’’ti. Dvādasamaṃ.
രാധസംയുത്തസ്സ ദുതിയോ വഗ്ഗോ.
Rādhasaṃyuttassa dutiyo vaggo.
തസ്സുദ്ദാനം –
Tassuddānaṃ –
മാരോ ച മാരധമ്മോ ച, അനിച്ചേന അപരേ ദുവേ;
Māro ca māradhammo ca, aniccena apare duve;
ഖയവയസമുദയം, നിരോധധമ്മേന ദ്വാദസാതി.
Khayavayasamudayaṃ, nirodhadhammena dvādasāti.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧-൧൨. മാരസുത്താദിവണ്ണനാ • 1-12. Mārasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧-൧൨. മാരസുത്താദിവണ്ണനാ • 1-12. Mārasuttādivaṇṇanā
