| Library / Tipiṭaka / តិបិដក • Tipiṭaka / ធម្មបទបាឡិ • Dhammapadapāḷi |
២២. និរយវគ្គោ
22. Nirayavaggo
៣០៦.
306.
ឧភោបិ តេ បេច្ច សមា ភវន្តិ, និហីនកម្មា មនុជា បរត្ថ។
Ubhopi te pecca samā bhavanti, nihīnakammā manujā parattha.
៣០៧.
307.
កាសាវកណ្ឋា ពហវោ, បាបធម្មា អសញ្ញតា;
Kāsāvakaṇṭhā bahavo, pāpadhammā asaññatā;
បាបា បាបេហិ កម្មេហិ, និរយំ តេ ឧបបជ្ជរេ។
Pāpā pāpehi kammehi, nirayaṃ te upapajjare.
៣០៨.
308.
សេយ្យោ អយោគុឡោ ភុត្តោ, តត្តោ អគ្គិសិខូបមោ;
Seyyo ayoguḷo bhutto, tatto aggisikhūpamo;
យញ្ចេ ភុញ្ជេយ្យ ទុស្សីលោ, រដ្ឋបិណ្ឌមសញ្ញតោ។
Yañce bhuñjeyya dussīlo, raṭṭhapiṇḍamasaññato.
៣០៩.
309.
ចត្តារិ ឋានានិ នរោ បមត្តោ, អាបជ្ជតិ បរទារូបសេវី;
Cattāri ṭhānāni naro pamatto, āpajjati paradārūpasevī;
អបុញ្ញលាភំ ន និកាមសេយ្យំ, និន្ទំ តតីយំ និរយំ ចតុត្ថំ។
Apuññalābhaṃ na nikāmaseyyaṃ, nindaṃ tatīyaṃ nirayaṃ catutthaṃ.
៣១០.
310.
អបុញ្ញលាភោ ច គតី ច បាបិកា, ភីតស្ស ភីតាយ រតី ច ថោកិកា;
Apuññalābho ca gatī ca pāpikā, bhītassa bhītāya ratī ca thokikā;
រាជា ច ទណ្ឌំ គរុកំ បណេតិ, តស្មា នរោ បរទារំ ន សេវេ។
Rājā ca daṇḍaṃ garukaṃ paṇeti, tasmā naro paradāraṃ na seve.
៣១១.
311.
កុសោ យថា ទុគ្គហិតោ, ហត្ថមេវានុកន្តតិ;
Kuso yathā duggahito, hatthamevānukantati;
សាមញ្ញំ ទុប្បរាមដ្ឋំ, និរយាយុបកឌ្ឍតិ។
Sāmaññaṃ dupparāmaṭṭhaṃ, nirayāyupakaḍḍhati.
៣១២.
312.
យំ កិញ្ចិ សិថិលំ កម្មំ, សំកិលិដ្ឋញ្ច យំ វតំ;
Yaṃ kiñci sithilaṃ kammaṃ, saṃkiliṭṭhañca yaṃ vataṃ;
សង្កស្សរំ ព្រហ្មចរិយំ, ន តំ ហោតិ មហប្ផលំ។
Saṅkassaraṃ brahmacariyaṃ, na taṃ hoti mahapphalaṃ.
៣១៣.
313.
សិថិលោ ហិ បរិព្ពាជោ, ភិយ្យោ អាកិរតេ រជំ។
Sithilo hi paribbājo, bhiyyo ākirate rajaṃ.
៣១៤.
314.
អកតំ ទុក្កដំ សេយ្យោ, បច្ឆា តប្បតិ ទុក្កដំ;
Akataṃ dukkaṭaṃ seyyo, pacchā tappati dukkaṭaṃ;
កតញ្ច សុកតំ សេយ្យោ, យំ កត្វា នានុតប្បតិ។
Katañca sukataṃ seyyo, yaṃ katvā nānutappati.
៣១៥.
315.
នគរំ យថា បច្ចន្តំ, គុត្តំ សន្តរពាហិរំ;
Nagaraṃ yathā paccantaṃ, guttaṃ santarabāhiraṃ;
ខណាតីតា ហិ សោចន្តិ, និរយម្ហិ សមប្បិតា។
Khaṇātītā hi socanti, nirayamhi samappitā.
៣១៦.
316.
អលជ្ជិតាយេ លជ្ជន្តិ, លជ្ជិតាយេ ន លជ្ជរេ;
Alajjitāye lajjanti, lajjitāye na lajjare;
មិច្ឆាទិដ្ឋិសមាទានា, សត្តា គច្ឆន្តិ ទុគ្គតិំ។
Micchādiṭṭhisamādānā, sattā gacchanti duggatiṃ.
៣១៧.
317.
អភយេ ភយទស្សិនោ, ភយេ ចាភយទស្សិនោ;
Abhaye bhayadassino, bhaye cābhayadassino;
មិច្ឆាទិដ្ឋិសមាទានា, សត្តា គច្ឆន្តិ ទុគ្គតិំ។
Micchādiṭṭhisamādānā, sattā gacchanti duggatiṃ.
៣១៨.
318.
អវជ្ជេ វជ្ជមតិនោ, វជ្ជេ ចាវជ្ជទស្សិនោ;
Avajje vajjamatino, vajje cāvajjadassino;
មិច្ឆាទិដ្ឋិសមាទានា, សត្តា គច្ឆន្តិ ទុគ្គតិំ។
Micchādiṭṭhisamādānā, sattā gacchanti duggatiṃ.
៣១៩.
319.
វជ្ជញ្ច វជ្ជតោ ញត្វា, អវជ្ជញ្ច អវជ្ជតោ;
Vajjañca vajjato ñatvā, avajjañca avajjato;
សម្មាទិដ្ឋិសមាទានា, សត្តា គច្ឆន្តិ សុគ្គតិំ។
Sammādiṭṭhisamādānā, sattā gacchanti suggatiṃ.
និរយវគ្គោ ទ្វាវីសតិមោ និដ្ឋិតោ។
Nirayavaggo dvāvīsatimo niṭṭhito.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ធម្មបទ-អដ្ឋកថា • Dhammapada-aṭṭhakathā / ២២. និរយវគ្គោ • 22. Nirayavaggo
