| Library / Tipiṭaka / តិបិដក • Tipiṭaka / ធម្មបទបាឡិ • Dhammapadapāḷi |
២៣. នាគវគ្គោ
23. Nāgavaggo
៣២០.
320.
អហំ នាគោវ សង្គាមេ, ចាបតោ បតិតំ សរំ;
Ahaṃ nāgova saṅgāme, cāpato patitaṃ saraṃ;
អតិវាក្យំ តិតិក្ខិស្សំ, ទុស្សីលោ ហិ ពហុជ្ជនោ។
Ativākyaṃ titikkhissaṃ, dussīlo hi bahujjano.
៣២១.
321.
ទន្តំ នយន្តិ សមិតិំ, ទន្តំ រាជាភិរូហតិ;
Dantaṃ nayanti samitiṃ, dantaṃ rājābhirūhati;
ទន្តោ សេដ្ឋោ មនុស្សេសុ, យោតិវាក្យំ តិតិក្ខតិ។
Danto seṭṭho manussesu, yotivākyaṃ titikkhati.
៣២២.
322.
៣២៣.
323.
ន ហិ ឯតេហិ យានេហិ, គច្ឆេយ្យ អគតំ ទិសំ;
Na hi etehi yānehi, gaccheyya agataṃ disaṃ;
យថាត្តនា សុទន្តេន, ទន្តោ ទន្តេន គច្ឆតិ។
Yathāttanā sudantena, danto dantena gacchati.
៣២៤.
324.
ពទ្ធោ កពឡំ ន ភុញ្ជតិ, សុមរតិ 9 នាគវនស្ស កុញ្ជរោ។
Baddho kabaḷaṃ na bhuñjati, sumarati 10 nāgavanassa kuñjaro.
៣២៥.
325.
មិទ្ធី យទា ហោតិ មហគ្ឃសោ ច, និទ្ទាយិតា សម្បរិវត្តសាយី;
Middhī yadā hoti mahagghaso ca, niddāyitā samparivattasāyī;
មហាវរាហោវ និវាបបុដ្ឋោ, បុនប្បុនំ គព្ភមុបេតិ មន្ទោ។
Mahāvarāhova nivāpapuṭṭho, punappunaṃ gabbhamupeti mando.
៣២៦.
326.
ឥទំ បុរេ ចិត្តមចារិ ចារិកំ, យេនិច្ឆកំ យត្ថកាមំ យថាសុខំ;
Idaṃ pure cittamacāri cārikaṃ, yenicchakaṃ yatthakāmaṃ yathāsukhaṃ;
តទជ្ជហំ និគ្គហេស្សាមិ យោនិសោ, ហត្ថិប្បភិន្នំ វិយ អង្កុសគ្គហោ។
Tadajjahaṃ niggahessāmi yoniso, hatthippabhinnaṃ viya aṅkusaggaho.
៣២៧.
327.
អប្បមាទរតា ហោថ, សចិត្តមនុរក្ខថ;
Appamādaratā hotha, sacittamanurakkhatha;
៣២៨.
328.
សចេ លភេថ និបកំ សហាយំ, សទ្ធិំ ចរំ សាធុវិហារិធីរំ;
Sace labhetha nipakaṃ sahāyaṃ, saddhiṃ caraṃ sādhuvihāridhīraṃ;
អភិភុយ្យ សព្ពានិ បរិស្សយានិ, ចរេយ្យ តេនត្តមនោ សតីមា។
Abhibhuyya sabbāni parissayāni, careyya tenattamano satīmā.
៣២៩.
329.
នោ ចេ លភេថ និបកំ សហាយំ, សទ្ធិំ ចរំ សាធុវិហារិធីរំ;
No ce labhetha nipakaṃ sahāyaṃ, saddhiṃ caraṃ sādhuvihāridhīraṃ;
រាជាវ រដ្ឋំ វិជិតំ បហាយ, ឯកោ ចរេ មាតង្គរញ្ញេវ នាគោ។
Rājāva raṭṭhaṃ vijitaṃ pahāya, eko care mātaṅgaraññeva nāgo.
៣៣០.
330.
ឯកស្ស ចរិតំ សេយ្យោ, នត្ថិ ពាលេ សហាយតា;
Ekassa caritaṃ seyyo, natthi bāle sahāyatā;
ឯកោ ចរេ ន ច បាបានិ កយិរា, អប្បោស្សុក្កោ មាតង្គរញ្ញេវ នាគោ។
Eko care na ca pāpāni kayirā, appossukko mātaṅgaraññeva nāgo.
៣៣១.
331.
អត្ថម្ហិ ជាតម្ហិ សុខា សហាយា, តុដ្ឋី សុខា យា ឥតរីតរេន;
Atthamhi jātamhi sukhā sahāyā, tuṭṭhī sukhā yā itarītarena;
បុញ្ញំ សុខំ ជីវិតសង្ខយម្ហិ, សព្ពស្ស ទុក្ខស្ស សុខំ បហានំ។
Puññaṃ sukhaṃ jīvitasaṅkhayamhi, sabbassa dukkhassa sukhaṃ pahānaṃ.
៣៣២.
332.
សុខា មត្តេយ្យតា លោកេ, អថោ បេត្តេយ្យតា សុខា;
Sukhā matteyyatā loke, atho petteyyatā sukhā;
សុខា សាមញ្ញតា លោកេ, អថោ ព្រហ្មញ្ញតា សុខា។
Sukhā sāmaññatā loke, atho brahmaññatā sukhā.
៣៣៣.
333.
សុខំ យាវ ជរា សីលំ, សុខា សទ្ធា បតិដ្ឋិតា;
Sukhaṃ yāva jarā sīlaṃ, sukhā saddhā patiṭṭhitā;
សុខោ បញ្ញាយ បដិលាភោ, បាបានំ អករណំ សុខំ។
Sukho paññāya paṭilābho, pāpānaṃ akaraṇaṃ sukhaṃ.
នាគវគ្គោ តេវីសតិមោ និដ្ឋិតោ។
Nāgavaggo tevīsatimo niṭṭhito.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ធម្មបទ-អដ្ឋកថា • Dhammapada-aṭṭhakathā / ២៣. នាគវគ្គោ • 23. Nāgavaggo
