| Library / Tipiṭaka / តិបិដក • Tipiṭaka / ធម្មបទបាឡិ • Dhammapadapāḷi |
២៤. តណ្ហាវគ្គោ
24. Taṇhāvaggo
៣៣៤.
334.
មនុជស្ស បមត្តចារិនោ, តណ្ហា វឌ្ឍតិ មាលុវា វិយ;
Manujassa pamattacārino, taṇhā vaḍḍhati māluvā viya;
សោ ប្លវតី 1 ហុរា ហុរំ, ផលមិច្ឆំវ វនស្មិ វានរោ។
So plavatī 2 hurā huraṃ, phalamicchaṃva vanasmi vānaro.
៣៣៥.
335.
យំ ឯសា សហតេ ជម្មី, តណ្ហា លោកេ វិសត្តិកា;
Yaṃ esā sahate jammī, taṇhā loke visattikā;
៣៣៦.
336.
យោ ចេតំ សហតេ ជម្មិំ, តណ្ហំ លោកេ ទុរច្ចយំ;
Yo cetaṃ sahate jammiṃ, taṇhaṃ loke duraccayaṃ;
សោកា តម្ហា បបតន្តិ, ឧទពិន្ទុវ បោក្ខរា។
Sokā tamhā papatanti, udabinduva pokkharā.
៣៣៧.
337.
តំ វោ វទាមិ ភទ្ទំ វោ, យាវន្តេត្ថ សមាគតា;
Taṃ vo vadāmi bhaddaṃ vo, yāvantettha samāgatā;
តណ្ហាយ មូលំ ខណថ, ឧសីរត្ថោវ ពីរណំ;
Taṇhāya mūlaṃ khaṇatha, usīratthova bīraṇaṃ;
មា វោ នឡំវ សោតោវ, មារោ ភញ្ជិ បុនប្បុនំ។
Mā vo naḷaṃva sotova, māro bhañji punappunaṃ.
៣៣៨.
338.
យថាបិ មូលេ អនុបទ្ទវេ ទឡ្ហេ, ឆិន្នោបិ រុក្ខោ បុនរេវ រូហតិ;
Yathāpi mūle anupaddave daḷhe, chinnopi rukkho punareva rūhati;
ឯវម្បិ តណ្ហានុសយេ អនូហតេ, និព្ពត្តតី ទុក្ខមិទំ បុនប្បុនំ។
Evampi taṇhānusaye anūhate, nibbattatī dukkhamidaṃ punappunaṃ.
៣៣៩.
339.
យស្ស ឆត្តិំសតិ សោតា, មនាបសវនា ភុសា;
Yassa chattiṃsati sotā, manāpasavanā bhusā;
៣៤០.
340.
តញ្ច ទិស្វា លតំ ជាតំ, មូលំ បញ្ញាយ ឆិន្ទថ។
Tañca disvā lataṃ jātaṃ, mūlaṃ paññāya chindatha.
៣៤១.
341.
សរិតានិ សិនេហិតានិ ច, សោមនស្សានិ ភវន្តិ ជន្តុនោ;
Saritāni sinehitāni ca, somanassāni bhavanti jantuno;
តេ សាតសិតា សុខេសិនោ, តេ វេ ជាតិជរូបគា នរា។
Te sātasitā sukhesino, te ve jātijarūpagā narā.
៣៤២.
342.
តសិណាយ បុរក្ខតា បជា, បរិសប្បន្តិ សសោវ ពន្ធិតោ 9;
Tasiṇāya purakkhatā pajā, parisappanti sasova bandhito 10;
សំយោជនសង្គសត្តកា, ទុក្ខមុបេន្តិ បុនប្បុនំ ចិរាយ។
Saṃyojanasaṅgasattakā, dukkhamupenti punappunaṃ cirāya.
៣៤៣.
343.
តសិណាយ បុរក្ខតា បជា, បរិសប្បន្តិ សសោវ ពន្ធិតោ;
Tasiṇāya purakkhatā pajā, parisappanti sasova bandhito;
៣៤៤.
344.
យោ និព្ពនថោ វនាធិមុត្តោ, វនមុត្តោ វនមេវ ធាវតិ;
Yo nibbanatho vanādhimutto, vanamutto vanameva dhāvati;
តំ បុគ្គលមេថ បស្សថ, មុត្តោ ពន្ធនមេវ ធាវតិ។
Taṃ puggalametha passatha, mutto bandhanameva dhāvati.
៣៤៥.
345.
ន តំ ទឡ្ហំ ពន្ធនមាហុ ធីរា, យទាយសំ ទារុជបព្ពជញ្ច 13;
Na taṃ daḷhaṃ bandhanamāhu dhīrā, yadāyasaṃ dārujapabbajañca 14;
សារត្តរត្តា មណិកុណ្ឌលេសុ, បុត្តេសុ ទារេសុ ច យា អបេក្ខា។
Sārattarattā maṇikuṇḍalesu, puttesu dāresu ca yā apekkhā.
៣៤៦.
346.
ឯតំ ទឡ្ហំ ពន្ធនមាហុ ធីរា, ឱហារិនំ សិថិលំ ទុប្បមុញ្ចំ;
Etaṃ daḷhaṃ bandhanamāhu dhīrā, ohārinaṃ sithilaṃ duppamuñcaṃ;
ឯតម្បិ ឆេត្វាន បរិព្ពជន្តិ, អនបេក្ខិនោ កាមសុខំ បហាយ។
Etampi chetvāna paribbajanti, anapekkhino kāmasukhaṃ pahāya.
៣៤៧.
347.
យេ រាគរត្តានុបតន្តិ សោតំ, សយំកតំ មក្កដកោវ ជាលំ;
Ye rāgarattānupatanti sotaṃ, sayaṃkataṃ makkaṭakova jālaṃ;
ឯតម្បិ ឆេត្វាន វជន្តិ ធីរា, អនបេក្ខិនោ សព្ពទុក្ខំ បហាយ។
Etampi chetvāna vajanti dhīrā, anapekkhino sabbadukkhaṃ pahāya.
៣៤៨.
348.
មុញ្ច បុរេ មុញ្ច បច្ឆតោ, មជ្ឈេ មុញ្ច ភវស្ស បារគូ;
Muñca pure muñca pacchato, majjhe muñca bhavassa pāragū;
សព្ពត្ថ វិមុត្តមានសោ, ន បុនំ ជាតិជរំ ឧបេហិសិ។
Sabbattha vimuttamānaso, na punaṃ jātijaraṃ upehisi.
៣៤៩.
349.
វិតក្កមថិតស្ស ជន្តុនោ, តិព្ពរាគស្ស សុភានុបស្សិនោ;
Vitakkamathitassa jantuno, tibbarāgassa subhānupassino;
ភិយ្យោ តណ្ហា បវឌ្ឍតិ, ឯស ខោ ទឡ្ហំ 15 ករោតិ ពន្ធនំ។
Bhiyyo taṇhā pavaḍḍhati, esa kho daḷhaṃ 16 karoti bandhanaṃ.
៣៥០.
350.
វិតក្កូបសមេ ច 17 យោ រតោ, អសុភំ ភាវយតេ សទា សតោ;
Vitakkūpasame ca 18 yo rato, asubhaṃ bhāvayate sadā sato;
៣៥១.
351.
និដ្ឋង្គតោ អសន្តាសី, វីតតណ្ហោ អនង្គណោ;
Niṭṭhaṅgato asantāsī, vītataṇho anaṅgaṇo;
អច្ឆិន្ទិ ភវសល្លានិ, អន្តិមោយំ សមុស្សយោ។
Acchindi bhavasallāni, antimoyaṃ samussayo.
៣៥២.
352.
វីតតណ្ហោ អនាទានោ, និរុត្តិបទកោវិទោ;
Vītataṇho anādāno, niruttipadakovido;
អក្ខរានំ សន្និបាតំ, ជញ្ញា បុព្ពាបរានិ ច;
Akkharānaṃ sannipātaṃ, jaññā pubbāparāni ca;
ស វេ ‘‘អន្តិមសារីរោ, មហាបញ្ញោ មហាបុរិសោ’’តិ វុច្ចតិ។
Sa ve ‘‘antimasārīro, mahāpañño mahāpuriso’’ti vuccati.
៣៥៣.
353.
សព្ពាភិភូ សព្ពវិទូហមស្មិ, សព្ពេសុ ធម្មេសុ អនូបលិត្តោ;
Sabbābhibhū sabbavidūhamasmi, sabbesu dhammesu anūpalitto;
សព្ពញ្ជហោ តណ្ហក្ខយេ វិមុត្តោ, សយំ អភិញ្ញាយ កមុទ្ទិសេយ្យំ។
Sabbañjaho taṇhakkhaye vimutto, sayaṃ abhiññāya kamuddiseyyaṃ.
៣៥៤.
354.
សព្ពទានំ ធម្មទានំ ជិនាតិ, សព្ពរសំ ធម្មរសោ ជិនាតិ;
Sabbadānaṃ dhammadānaṃ jināti, sabbarasaṃ dhammaraso jināti;
សព្ពរតិំ ធម្មរតិ ជិនាតិ, តណ្ហក្ខយោ សព្ពទុក្ខំ ជិនាតិ។
Sabbaratiṃ dhammarati jināti, taṇhakkhayo sabbadukkhaṃ jināti.
៣៥៥.
355.
ហនន្តិ ភោគា ទុម្មេធំ, នោ ច បារគវេសិនោ;
Hananti bhogā dummedhaṃ, no ca pāragavesino;
ភោគតណ្ហាយ ទុម្មេធោ, ហន្តិ អញ្ញេវ អត្តនំ។
Bhogataṇhāya dummedho, hanti aññeva attanaṃ.
៣៥៦.
356.
តិណទោសានិ ខេត្តានិ, រាគទោសា អយំ បជា;
Tiṇadosāni khettāni, rāgadosā ayaṃ pajā;
តស្មា ហិ វីតរាគេសុ, ទិន្នំ ហោតិ មហប្ផលំ។
Tasmā hi vītarāgesu, dinnaṃ hoti mahapphalaṃ.
៣៥៧.
357.
តិណទោសានិ ខេត្តានិ, ទោសទោសា អយំ បជា;
Tiṇadosāni khettāni, dosadosā ayaṃ pajā;
តស្មា ហិ វីតទោសេសុ, ទិន្នំ ហោតិ មហប្ផលំ។
Tasmā hi vītadosesu, dinnaṃ hoti mahapphalaṃ.
៣៥៨.
358.
តិណទោសានិ ខេត្តានិ, មោហទោសា អយំ បជា;
Tiṇadosāni khettāni, mohadosā ayaṃ pajā;
តស្មា ហិ វីតមោហេសុ, ទិន្នំ ហោតិ មហប្ផលំ។
Tasmā hi vītamohesu, dinnaṃ hoti mahapphalaṃ.
៣៥៩.
359.
(តិណទោសានិ ខេត្តានិ, ឥច្ឆាទោសា អយំ បជា;
(Tiṇadosāni khettāni, icchādosā ayaṃ pajā;
តិណទោសានិ ខេត្តានិ, តណ្ហាទោសា អយំ បជា;
Tiṇadosāni khettāni, taṇhādosā ayaṃ pajā;
តស្មា ហិ វីតតណ្ហេសុ, ទិន្នំ ហោតិ មហប្ផលំ។
Tasmā hi vītataṇhesu, dinnaṃ hoti mahapphalaṃ.
តណ្ហាវគ្គោ ចតុវីសតិមោ និដ្ឋិតោ។
Taṇhāvaggo catuvīsatimo niṭṭhito.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ធម្មបទ-អដ្ឋកថា • Dhammapada-aṭṭhakathā / ២៤. តណ្ហាវគ្គោ • 24. Taṇhāvaggo
