| Library / Tipiṭaka / ತಿಪಿಟಕ • Tipiṭaka / ಚರಿಯಾಪಿಟಕಪಾಳಿ • Cariyāpiṭakapāḷi |
೬. ನಿಮಿರಾಜಚರಿಯಾ
6. Nimirājacariyā
೪೦.
40.
‘‘ಪುನಾಪರಂ ಯದಾ ಹೋಮಿ, ಮಿಥಿಲಾಯಂ ಪುರುತ್ತಮೇ।
‘‘Punāparaṃ yadā homi, mithilāyaṃ puruttame;
ನಿಮಿ ನಾಮ ಮಹಾರಾಜಾ, ಪಣ್ಡಿತೋ ಕುಸಲತ್ಥಿಕೋ॥
Nimi nāma mahārājā, paṇḍito kusalatthiko.
೪೧.
41.
‘‘ತದಾಹಂ ಮಾಪಯಿತ್ವಾನ, ಚತುಸ್ಸಾಲಂ ಚತುಮ್ಮುಖಂ।
‘‘Tadāhaṃ māpayitvāna, catussālaṃ catummukhaṃ;
ತತ್ಥ ದಾನಂ ಪವತ್ತೇಸಿಂ, ಮಿಗಪಕ್ಖಿನರಾದಿನಂ॥
Tattha dānaṃ pavattesiṃ, migapakkhinarādinaṃ.
೪೨.
42.
‘‘ಅಚ್ಛಾದನಞ್ಚ ಸಯನಂ, ಅನ್ನಂ ಪಾನಞ್ಚ ಭೋಜನಂ।
‘‘Acchādanañca sayanaṃ, annaṃ pānañca bhojanaṃ;
ಅಬ್ಬೋಚ್ಛಿನ್ನಂ ಕರಿತ್ವಾನ, ಮಹಾದಾನಂ ಪವತ್ತಯಿಂ॥
Abbocchinnaṃ karitvāna, mahādānaṃ pavattayiṃ.
೪೩.
43.
‘‘ಯಥಾಪಿ ಸೇವಕೋ ಸಾಮಿಂ, ಧನಹೇತುಮುಪಾಗತೋ।
‘‘Yathāpi sevako sāmiṃ, dhanahetumupāgato;
ಕಾಯೇನ ವಾಚಾ ಮನಸಾ, ಆರಾಧನೀಯಮೇಸತಿ॥
Kāyena vācā manasā, ārādhanīyamesati.
೪೪.
44.
‘‘ತಥೇವಾಹಂ ಸಬ್ಬಭವೇ, ಪರಿಯೇಸಿಸ್ಸಾಮಿ ಬೋಧಿಜಂ।
‘‘Tathevāhaṃ sabbabhave, pariyesissāmi bodhijaṃ;
ದಾನೇನ ಸತ್ತೇ ತಪ್ಪೇತ್ವಾ, ಇಚ್ಛಾಮಿ ಬೋಧಿಮುತ್ತಮ’’ನ್ತಿ॥
Dānena satte tappetvā, icchāmi bodhimuttama’’nti.
ನಿಮಿರಾಜಚರಿಯಂ ಛಟ್ಠಂ।
Nimirājacariyaṃ chaṭṭhaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚರಿಯಾಪಿಟಕ-ಅಟ್ಠಕಥಾ • Cariyāpiṭaka-aṭṭhakathā / ೬. ನಿಮಿರಾಜಚರಿಯಾವಣ್ಣನಾ • 6. Nimirājacariyāvaṇṇanā
