| Library / Tipiṭaka / ತಿಪಿಟಕ • Tipiṭaka / ಚರಿಯಾಪಿಟಕಪಾಳಿ • Cariyāpiṭakapāḷi |
೭. ಚನ್ದಕುಮಾರಚರಿಯಾ
7. Candakumāracariyā
೪೫.
45.
‘‘ಪುನಾಪರಂ ಯದಾ ಹೋಮಿ, ಏಕರಾಜಸ್ಸ ಅತ್ರಜೋ।
‘‘Punāparaṃ yadā homi, ekarājassa atrajo;
ನಗರೇ ಪುಪ್ಫವತಿಯಾ, ಕುಮಾರೋ ಚನ್ದಸವ್ಹಯೋ॥
Nagare pupphavatiyā, kumāro candasavhayo.
೪೬.
46.
‘‘ತದಾಹಂ ಯಜನಾ ಮುತ್ತೋ, ನಿಕ್ಖನ್ತೋ ಯಞ್ಞವಾಟತೋ।
‘‘Tadāhaṃ yajanā mutto, nikkhanto yaññavāṭato;
ಸಂವೇಗಂ ಜನಯಿತ್ವಾನ, ಮಹಾದಾನಂ ಪವತ್ತಯಿಂ॥
Saṃvegaṃ janayitvāna, mahādānaṃ pavattayiṃ.
೪೭.
47.
‘‘ನಾಹಂ ಪಿವಾಮಿ ಖಾದಾಮಿ, ನಪಿ ಭುಞ್ಜಾಮಿ ಭೋಜನಂ।
‘‘Nāhaṃ pivāmi khādāmi, napi bhuñjāmi bhojanaṃ;
ದಕ್ಖಿಣೇಯ್ಯೇ ಅದತ್ವಾನ, ಅಪಿ ಛಪ್ಪಞ್ಚರತ್ತಿಯೋ॥
Dakkhiṇeyye adatvāna, api chappañcarattiyo.
೪೮.
48.
‘‘ಯಥಾಪಿ ವಾಣಿಜೋ ನಾಮ, ಕತ್ವಾನ ಭಣ್ಡಸಞ್ಚಯಂ।
‘‘Yathāpi vāṇijo nāma, katvāna bhaṇḍasañcayaṃ;
೪೯.
49.
‘‘ತಥೇವ ಸಕಭುತ್ತಾಪಿ, ಪರೇ ದಿನ್ನಂ ಮಹಪ್ಫಲಂ।
‘‘Tatheva sakabhuttāpi, pare dinnaṃ mahapphalaṃ;
ತಸ್ಮಾ ಪರಸ್ಸ ದಾತಬ್ಬಂ, ಸತಭಾಗೋ ಭವಿಸ್ಸತಿ॥
Tasmā parassa dātabbaṃ, satabhāgo bhavissati.
೫೦.
50.
‘‘ಏತಮತ್ಥವಸಂ ಞತ್ವಾ, ದೇಮಿ ದಾನಂ ಭವಾಭವೇ।
‘‘Etamatthavasaṃ ñatvā, demi dānaṃ bhavābhave;
ನ ಪಟಿಕ್ಕಮಾಮಿ ದಾನತೋ, ಸಮ್ಬೋಧಿಮನುಪತ್ತಿಯಾ’’ತಿ॥
Na paṭikkamāmi dānato, sambodhimanupattiyā’’ti.
ಚನ್ದಕುಮಾರಚರಿಯಂ ಸತ್ತಮಂ।
Candakumāracariyaṃ sattamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚರಿಯಾಪಿಟಕ-ಅಟ್ಠಕಥಾ • Cariyāpiṭaka-aṭṭhakathā / ೭. ಚನ್ದಕುಮಾರಚರಿಯಾವಣ್ಣನಾ • 7. Candakumāracariyāvaṇṇanā
