| Library / Tipiṭaka / तिपिटक • Tipiṭaka / चरियापिटकपाळि • Cariyāpiṭakapāḷi |
६. निमिराजचरिया
6. Nimirājacariyā
४०.
40.
‘‘पुनापरं यदा होमि, मिथिलायं पुरुत्तमे।
‘‘Punāparaṃ yadā homi, mithilāyaṃ puruttame;
निमि नाम महाराजा, पण्डितो कुसलत्थिको॥
Nimi nāma mahārājā, paṇḍito kusalatthiko.
४१.
41.
‘‘तदाहं मापयित्वान, चतुस्सालं चतुम्मुखं।
‘‘Tadāhaṃ māpayitvāna, catussālaṃ catummukhaṃ;
तत्थ दानं पवत्तेसिं, मिगपक्खिनरादिनं॥
Tattha dānaṃ pavattesiṃ, migapakkhinarādinaṃ.
४२.
42.
‘‘अच्छादनञ्च सयनं, अन्नं पानञ्च भोजनं।
‘‘Acchādanañca sayanaṃ, annaṃ pānañca bhojanaṃ;
अब्बोच्छिन्नं करित्वान, महादानं पवत्तयिं॥
Abbocchinnaṃ karitvāna, mahādānaṃ pavattayiṃ.
४३.
43.
‘‘यथापि सेवको सामिं, धनहेतुमुपागतो।
‘‘Yathāpi sevako sāmiṃ, dhanahetumupāgato;
कायेन वाचा मनसा, आराधनीयमेसति॥
Kāyena vācā manasā, ārādhanīyamesati.
४४.
44.
‘‘तथेवाहं सब्बभवे, परियेसिस्सामि बोधिजं।
‘‘Tathevāhaṃ sabbabhave, pariyesissāmi bodhijaṃ;
दानेन सत्ते तप्पेत्वा, इच्छामि बोधिमुत्तम’’न्ति॥
Dānena satte tappetvā, icchāmi bodhimuttama’’nti.
निमिराजचरियं छट्ठं।
Nimirājacariyaṃ chaṭṭhaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / चरियापिटक-अट्ठकथा • Cariyāpiṭaka-aṭṭhakathā / ६. निमिराजचरियावण्णना • 6. Nimirājacariyāvaṇṇanā
