| Library / Tipiṭaka / तिपिटक • Tipiṭaka / चरियापिटकपाळि • Cariyāpiṭakapāḷi |
७. चन्दकुमारचरिया
7. Candakumāracariyā
४५.
45.
‘‘पुनापरं यदा होमि, एकराजस्स अत्रजो।
‘‘Punāparaṃ yadā homi, ekarājassa atrajo;
नगरे पुप्फवतिया, कुमारो चन्दसव्हयो॥
Nagare pupphavatiyā, kumāro candasavhayo.
४६.
46.
‘‘तदाहं यजना मुत्तो, निक्खन्तो यञ्ञवाटतो।
‘‘Tadāhaṃ yajanā mutto, nikkhanto yaññavāṭato;
संवेगं जनयित्वान, महादानं पवत्तयिं॥
Saṃvegaṃ janayitvāna, mahādānaṃ pavattayiṃ.
४७.
47.
‘‘नाहं पिवामि खादामि, नपि भुञ्जामि भोजनं।
‘‘Nāhaṃ pivāmi khādāmi, napi bhuñjāmi bhojanaṃ;
दक्खिणेय्ये अदत्वान, अपि छप्पञ्चरत्तियो॥
Dakkhiṇeyye adatvāna, api chappañcarattiyo.
४८.
48.
‘‘यथापि वाणिजो नाम, कत्वान भण्डसञ्चयं।
‘‘Yathāpi vāṇijo nāma, katvāna bhaṇḍasañcayaṃ;
४९.
49.
‘‘तथेव सकभुत्तापि, परे दिन्नं महप्फलं।
‘‘Tatheva sakabhuttāpi, pare dinnaṃ mahapphalaṃ;
तस्मा परस्स दातब्बं, सतभागो भविस्सति॥
Tasmā parassa dātabbaṃ, satabhāgo bhavissati.
५०.
50.
‘‘एतमत्थवसं ञत्वा, देमि दानं भवाभवे।
‘‘Etamatthavasaṃ ñatvā, demi dānaṃ bhavābhave;
न पटिक्कमामि दानतो, सम्बोधिमनुपत्तिया’’ति॥
Na paṭikkamāmi dānato, sambodhimanupattiyā’’ti.
चन्दकुमारचरियं सत्तमं।
Candakumāracariyaṃ sattamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / चरियापिटक-अट्ठकथा • Cariyāpiṭaka-aṭṭhakathā / ७. चन्दकुमारचरियावण्णना • 7. Candakumāracariyāvaṇṇanā
