| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៧. និក្កឌ្ឍនសិក្ខាបទំ
7. Nikkaḍḍhanasikkhāpadaṃ
១២៦. សត្តមេ យេ បាសាទា វា យានិ វា ចតុស្សាលានីតិ យោជនា។ ចតស្សោ ភូមិយោ ឯតេសន្តិ ចតុភូមកា។ ឯវំ បញ្ចភូមកា។ កោដ្ឋកានីតិ ទ្វារកោដ្ឋកានិ។ ‘‘បាសាទា’’តិបទមបេក្ខិយ វុត្តំ ‘‘យេ’’តិបទំ, ‘‘ចតុស្សាលានី’’តិបទេ អបេក្ខិតេ ‘‘យានី’’តិ លិង្គវិបល្លាសោ ហោតិ។ សេនាសនេសុ ឯកេន បយោគេន ពហុកេ ទ្វារេ ភិក្ខុំ អតិក្កាមេតីតិ សម្ពន្ធោ។ នានាបយោគេហិ នានាទ្វារេ ភិក្ខុំ អតិក្កាមេន្តស្សាតិ យោជនា។ ‘‘ទ្វារគណនាយា’’តិឥមិនា បយោគគណនាយាតិបិ អត្ថំ ញាបេតិ អត្ថតោ បាកដត្តា។ អនាមសិត្វាតិ អឆុបិត្វា។
126. Sattame ye pāsādā vā yāni vā catussālānīti yojanā. Catasso bhūmiyo etesanti catubhūmakā. Evaṃ pañcabhūmakā. Koṭṭhakānīti dvārakoṭṭhakāni. ‘‘Pāsādā’’tipadamapekkhiya vuttaṃ ‘‘ye’’tipadaṃ, ‘‘catussālānī’’tipade apekkhite ‘‘yānī’’ti liṅgavipallāso hoti. Senāsanesu ekena payogena bahuke dvāre bhikkhuṃ atikkāmetīti sambandho. Nānāpayogehi nānādvāre bhikkhuṃ atikkāmentassāti yojanā. ‘‘Dvāragaṇanāyā’’tiiminā payogagaṇanāyātipi atthaṃ ñāpeti atthato pākaṭattā. Anāmasitvāti achupitvā.
ឯត្តកានីតិ ឯតបមាណានិ។ តស្សាតិ និក្កឌ្ឍិយមានស្ស ភិក្ខុស្ស។ គាឡ្ហន្តិ ទឡ្ហំ។
Ettakānīti etapamāṇāni. Tassāti nikkaḍḍhiyamānassa bhikkhussa. Gāḷhanti daḷhaṃ.
១២៧. ឥធាបីតិ ឥមស្មិម្បិ សិក្ខាបទេ។ បិសទ្ទោ បុរិមសិក្ខាបទាបេក្ខោ។ សព្ពត្ថាតិ សព្ពេសុ សិក្ខាបទេសុ។ យត្រាតិ យស្មិំ សិក្ខាបទេ។
127.Idhāpīti imasmimpi sikkhāpade. Pisaddo purimasikkhāpadāpekkho. Sabbatthāti sabbesu sikkhāpadesu. Yatrāti yasmiṃ sikkhāpade.
១២៨. សោតិ ភណ្ឌនការកកលហការកោ ភិក្ខុ។ ហីតិ សច្ចំ, យស្មា វា។ បក្ខន្តិ អត្តនោ បក្ខំ។ និក្កឌ្ឍិយមានបុគ្គលបក្ខេ ឧម្មត្តកស្ស និក្កឌ្ឍតិ វា និក្កឌ្ឍាបេតិ វាតិ សម្ពន្ធិតព្ពំ។ និក្កឌ្ឍកបុគ្គលបក្ខេ ឧម្មត្តកស្ស អនាបត្តីតិ សម្ពន្ធិតព្ពន្តិ។ សត្តមំ។
128.Soti bhaṇḍanakārakakalahakārako bhikkhu. Hīti saccaṃ, yasmā vā. Pakkhanti attano pakkhaṃ. Nikkaḍḍhiyamānapuggalapakkhe ummattakassa nikkaḍḍhati vā nikkaḍḍhāpeti vāti sambandhitabbaṃ. Nikkaḍḍhakapuggalapakkhe ummattakassa anāpattīti sambandhitabbanti. Sattamaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ២. ភូតគាមវគ្គោ • 2. Bhūtagāmavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៧. និក្កឌ្ឍនសិក្ខាបទវណ្ណនា • 7. Nikkaḍḍhanasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៧. និក្កឌ្ឍនសិក្ខាបទវណ្ណនា • 7. Nikkaḍḍhanasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៧. និក្កឌ្ឍនសិក្ខាបទវណ្ណនា • 7. Nikkaḍḍhanasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៧. និក្កឌ្ឍនសិក្ខាបទវណ្ណនា • 7. Nikkaḍḍhanasikkhāpadavaṇṇanā
