| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
නිගමනකථාවණ්ණනා
Nigamanakathāvaṇṇanā
473-5. අධිසීලඅධිචිත්තානං අධිපඤ්ඤාය ච සික්ඛනා උත්තරි භික්ඛුකිච්චං නාම නත්ථි යස්මා, අතො අයං ඛුද්දසික්ඛා සමුදාහටා.
473-5. Adhisīlaadhicittānaṃ adhipaññāya ca sikkhanā uttari bhikkhukiccaṃ nāma natthi yasmā, ato ayaṃ khuddasikkhā samudāhaṭā.
කෙනාති චෙ? යස්ස ථෙරස්ස ලොකවිචාරිනො ලොකෙ විචරන්තස්ස මහතො කිත්තිසද්දස්ස පරිස්සමො න සම්භොති න හොති, කිං විය? මාලුතස්සෙව නිච්චසො, යථා නිච්චං විචරන්තස්ස මාලුතස්ස පරිස්සමො නත්ථි, එවං විචරන්තස්ස කිත්තිසද්දස්ස පරිස්සමො නත්ථි, තෙන ධම්මසිරිකෙන සමුදාහටාති සම්බන්ධො.
Kenāti ce? Yassa therassa lokavicārino loke vicarantassa mahato kittisaddassa parissamo na sambhoti na hoti, kiṃ viya? Mālutasseva niccaso, yathā niccaṃ vicarantassa mālutassa parissamo natthi, evaṃ vicarantassa kittisaddassa parissamo natthi, tena dhammasirikena samudāhaṭāti sambandho.
එත්තාවතා ච –
Ettāvatā ca –
නිට්ඨිතො ඛුද්දසික්ඛාය, සමාසෙන විනිච්ඡයො;
Niṭṭhito khuddasikkhāya, samāsena vinicchayo;
විත්ථාරො පන එතිස්සා, සබ්බම්පි පිටකත්තයං.
Vitthāro pana etissā, sabbampi piṭakattayaṃ.
තස්මා විත්ථාරකාමෙන, සකලෙ පිටකත්තයෙ;
Tasmā vitthārakāmena, sakale piṭakattaye;
කත්තබ්බො සාදරො එත්ථ, ඉතරෙන විසෙසතොති.
Kattabbo sādaro ettha, itarena visesatoti.
ඛුද්දසික්ඛාවිනිච්ඡයො.
Khuddasikkhāvinicchayo.
ඛුද්දසික්ඛා-පුරාණටීකා නිට්ඨිතා.
Khuddasikkhā-purāṇaṭīkā niṭṭhitā.
