| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
නමො තස්ස භගවතො අරහතො සම්මාසම්බුද්ධස්ස
Namo tassa bhagavato arahato sammāsambuddhassa
ඛුද්දසික්ඛා-අභිනවටීකා
Khuddasikkhā-abhinavaṭīkā
ගන්ථාරම්භකථා
Ganthārambhakathā
තිලොකතිලකං වන්දෙ, සද්ධම්මාමතනිම්මිතං;
Tilokatilakaṃ vande, saddhammāmatanimmitaṃ;
සංසුට්ඨුකතසම්භත්තිං, ජිනං ජනමනොරමං.
Saṃsuṭṭhukatasambhattiṃ, jinaṃ janamanoramaṃ.
සාරිපුත්තං මහාසාමිං, නෙකසත්ථවිසාරදං;
Sāriputtaṃ mahāsāmiṃ, nekasatthavisāradaṃ;
මහාගුණං මහාපඤ්ඤං, නමො මෙ සිරසා ගරුං.
Mahāguṇaṃ mahāpaññaṃ, namo me sirasā garuṃ.
ඛුද්දසික්ඛාය ටීකා යා, පුරාතනා සමීරිතා;
Khuddasikkhāya ṭīkā yā, purātanā samīritā;
න තාය සක්කා සක්කච්චං, අත්ථො සබ්බත්ථ ඤාතවෙ.
Na tāya sakkā sakkaccaṃ, attho sabbattha ñātave.
තතොනෙකගුණානං යො, මඤ්ජූසා රතනානව;
Tatonekaguṇānaṃ yo, mañjūsā ratanānava;
සුමඞ්ගලසනාමෙන, තෙන පඤ්ඤවතා සතා.
Sumaṅgalasanāmena, tena paññavatā satā.
අජ්ඣෙසිතො යතින්දෙන, සදාරඤ්ඤනිවාසිනා;
Ajjhesito yatindena, sadāraññanivāsinā;
සවිනිච්ඡයමෙතිස්සා, කරිස්සාමත්ථවණ්ණනං.
Savinicchayametissā, karissāmatthavaṇṇanaṃ.
