| Library / Tipiṭaka / តិបិដក • Tipiṭaka / ខុទ្ទសិក្ខា-មូលសិក្ខា • Khuddasikkhā-mūlasikkhā |
និគមនកថាវណ្ណនា
Nigamanakathāvaṇṇanā
៤៧៣. យស្មា ការណា យា សិក្ខនា, អយំ ភិក្ខុកិច្ចំ, អតោ តស្មា ការណាតិ អត្ថោ។
473. Yasmā kāraṇā yā sikkhanā, ayaṃ bhikkhukiccaṃ, ato tasmā kāraṇāti attho.
៤៧៤. និច្ចសោ លោកវិចារិនោតិ និច្ចំ លោកេ វិចរតោ។ មាលុតស្សេវ បរិស្សមោ ន សម្ភោតីតិ យោជនា។ មាលុតស្សេវាតិ វាតស្ស ឥវ។ ន សម្ភោតីតិ ន ហោតិ។
474.Niccaso lokavicārinoti niccaṃ loke vicarato. Mālutasseva parissamo na sambhotīti yojanā. Mālutassevāti vātassa iva. Na sambhotīti na hoti.
៤៧៥-៦. តម្ពបណ្ណិ ឯវ តម្ពបណ្ណិយោ, កេតុ វិយ កេតុ, តម្ពបណ្ណិយេ កេតូតិ តប្បុរិសោ។ តេន រចិតា ធម្មវិនយញ្ញុបសំសិតា អយំ ខុទ្ទសិក្ខា បរិមាណតោ គាថានំ បញ្ចមត្តេហិ សតេហិ ឯត្តាវតា និដ្ឋានមុបាគតាតិ សម្ពន្ធោ។
475-6. Tambapaṇṇi eva tambapaṇṇiyo, ketu viya ketu, tambapaṇṇiye ketūti tappuriso. Tena racitā dhammavinayaññupasaṃsitā ayaṃ khuddasikkhā parimāṇato gāthānaṃ pañcamattehi satehi ettāvatā niṭṭhānamupāgatāti sambandho.
និគមនកថាវណ្ណនា និដ្ឋិតា។
Nigamanakathāvaṇṇanā niṭṭhitā.
