| Library / Tipiṭaka / តិបិដក • Tipiṭaka / ខុទ្ទសិក្ខា-មូលសិក្ខា • Khuddasikkhā-mūlasikkhā |
និគមនកថាវណ្ណនា
Nigamanakathāvaṇṇanā
៤៧៣-៥. អធិសីលអធិចិត្តានំ អធិបញ្ញាយ ច សិក្ខនា ឧត្តរិ ភិក្ខុកិច្ចំ នាម នត្ថិ យស្មា, អតោ អយំ ខុទ្ទសិក្ខា សមុទាហដា។
473-5. Adhisīlaadhicittānaṃ adhipaññāya ca sikkhanā uttari bhikkhukiccaṃ nāma natthi yasmā, ato ayaṃ khuddasikkhā samudāhaṭā.
កេនាតិ ចេ? យស្ស ថេរស្ស លោកវិចារិនោ លោកេ វិចរន្តស្ស មហតោ កិត្តិសទ្ទស្ស បរិស្សមោ ន សម្ភោតិ ន ហោតិ, កិំ វិយ? មាលុតស្សេវ និច្ចសោ, យថា និច្ចំ វិចរន្តស្ស មាលុតស្ស បរិស្សមោ នត្ថិ, ឯវំ វិចរន្តស្ស កិត្តិសទ្ទស្ស បរិស្សមោ នត្ថិ, តេន ធម្មសិរិកេន សមុទាហដាតិ សម្ពន្ធោ។
Kenāti ce? Yassa therassa lokavicārino loke vicarantassa mahato kittisaddassa parissamo na sambhoti na hoti, kiṃ viya? Mālutasseva niccaso, yathā niccaṃ vicarantassa mālutassa parissamo natthi, evaṃ vicarantassa kittisaddassa parissamo natthi, tena dhammasirikena samudāhaṭāti sambandho.
ឯត្តាវតា ច –
Ettāvatā ca –
និដ្ឋិតោ ខុទ្ទសិក្ខាយ, សមាសេន វិនិច្ឆយោ;
Niṭṭhito khuddasikkhāya, samāsena vinicchayo;
វិត្ថារោ បន ឯតិស្សា, សព្ពម្បិ បិដកត្តយំ។
Vitthāro pana etissā, sabbampi piṭakattayaṃ.
តស្មា វិត្ថារកាមេន, សកលេ បិដកត្តយេ;
Tasmā vitthārakāmena, sakale piṭakattaye;
កត្តព្ពោ សាទរោ ឯត្ថ, ឥតរេន វិសេសតោតិ។
Kattabbo sādaro ettha, itarena visesatoti.
ខុទ្ទសិក្ខាវិនិច្ឆយោ។
Khuddasikkhāvinicchayo.
ខុទ្ទសិក្ខា-បុរាណដីកា និដ្ឋិតា។
Khuddasikkhā-purāṇaṭīkā niṭṭhitā.
