| Library / Tipiṭaka / តិបិដក • Tipiṭaka / ខុទ្ទសិក្ខា-មូលសិក្ខា • Khuddasikkhā-mūlasikkhā |
។ នមោ តស្ស ភគវតោ អរហតោ សម្មាសម្ពុទ្ធស្ស។
Namo tassa bhagavato arahato sammāsambuddhassa
ខុទ្ទសិក្ខា-អភិនវដីកា
Khuddasikkhā-abhinavaṭīkā
គន្ថារម្ភកថា
Ganthārambhakathā
តិលោកតិលកំ វន្ទេ, សទ្ធម្មាមតនិម្មិតំ;
Tilokatilakaṃ vande, saddhammāmatanimmitaṃ;
សំសុដ្ឋុកតសម្ភត្តិំ, ជិនំ ជនមនោរមំ។
Saṃsuṭṭhukatasambhattiṃ, jinaṃ janamanoramaṃ.
សារិបុត្តំ មហាសាមិំ, នេកសត្ថវិសារទំ;
Sāriputtaṃ mahāsāmiṃ, nekasatthavisāradaṃ;
មហាគុណំ មហាបញ្ញំ, នមោ មេ សិរសា គរុំ។
Mahāguṇaṃ mahāpaññaṃ, namo me sirasā garuṃ.
ខុទ្ទសិក្ខាយ ដីកា យា, បុរាតនា សមីរិតា;
Khuddasikkhāya ṭīkā yā, purātanā samīritā;
ន តាយ សក្កា សក្កច្ចំ, អត្ថោ សព្ពត្ថ ញាតវេ។
Na tāya sakkā sakkaccaṃ, attho sabbattha ñātave.
តតោនេកគុណានំ យោ, មញ្ជូសា រតនានវ;
Tatonekaguṇānaṃ yo, mañjūsā ratanānava;
សុមង្គលសនាមេន, តេន បញ្ញវតា សតា។
Sumaṅgalasanāmena, tena paññavatā satā.
អជ្ឈេសិតោ យតិន្ទេន, សទារញ្ញនិវាសិនា;
Ajjhesito yatindena, sadāraññanivāsinā;
សវិនិច្ឆយមេតិស្សា, ករិស្សាមត្ថវណ្ណនំ។
Savinicchayametissā, karissāmatthavaṇṇanaṃ.
