| Library / Tipiṭaka / তিপিটক • Tipiṭaka / খুদ্দসিক্খা-মূলসিক্খা • Khuddasikkhā-mūlasikkhā |
নিগমনকথাৰণ্ণনা
Nigamanakathāvaṇṇanā
৪৭৩-৫. অধিসীলঅধিচিত্তানং অধিপঞ্ঞায চ সিক্খনা উত্তরি ভিক্খুকিচ্চং নাম নত্থি যস্মা, অতো অযং খুদ্দসিক্খা সমুদাহটা।
473-5. Adhisīlaadhicittānaṃ adhipaññāya ca sikkhanā uttari bhikkhukiccaṃ nāma natthi yasmā, ato ayaṃ khuddasikkhā samudāhaṭā.
কেনাতি চে? যস্স থেরস্স লোকৰিচারিনো লোকে ৰিচরন্তস্স মহতো কিত্তিসদ্দস্স পরিস্সমো ন সম্ভোতি ন হোতি, কিং ৰিয? মালুতস্সেৰ নিচ্চসো, যথা নিচ্চং ৰিচরন্তস্স মালুতস্স পরিস্সমো নত্থি, এৰং ৰিচরন্তস্স কিত্তিসদ্দস্স পরিস্সমো নত্থি, তেন ধম্মসিরিকেন সমুদাহটাতি সম্বন্ধো।
Kenāti ce? Yassa therassa lokavicārino loke vicarantassa mahato kittisaddassa parissamo na sambhoti na hoti, kiṃ viya? Mālutasseva niccaso, yathā niccaṃ vicarantassa mālutassa parissamo natthi, evaṃ vicarantassa kittisaddassa parissamo natthi, tena dhammasirikena samudāhaṭāti sambandho.
এত্তাৰতা চ –
Ettāvatā ca –
নিট্ঠিতো খুদ্দসিক্খায, সমাসেন ৰিনিচ্ছযো।
Niṭṭhito khuddasikkhāya, samāsena vinicchayo;
ৰিত্থারো পন এতিস্সা, সব্বম্পি পিটকত্তযং॥
Vitthāro pana etissā, sabbampi piṭakattayaṃ.
তস্মা ৰিত্থারকামেন, সকলে পিটকত্তযে।
Tasmā vitthārakāmena, sakale piṭakattaye;
কত্তব্বো সাদরো এত্থ, ইতরেন ৰিসেসতোতি॥
Kattabbo sādaro ettha, itarena visesatoti.
খুদ্দসিক্খাৰিনিচ্ছযো।
Khuddasikkhāvinicchayo.
খুদ্দসিক্খা-পুরাণটীকা নিট্ঠিতা।
Khuddasikkhā-purāṇaṭīkā niṭṭhitā.
