| Library / Tipiṭaka / তিপিটক • Tipiṭaka / খুদ্দসিক্খা-মূলসিক্খা • Khuddasikkhā-mūlasikkhā |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
খুদ্দসিক্খা-অভিনৰটীকা
Khuddasikkhā-abhinavaṭīkā
গন্থারম্ভকথা
Ganthārambhakathā
তিলোকতিলকং ৰন্দে, সদ্ধম্মামতনিম্মিতং।
Tilokatilakaṃ vande, saddhammāmatanimmitaṃ;
সংসুট্ঠুকতসম্ভত্তিং, জিনং জনমনোরমং॥
Saṃsuṭṭhukatasambhattiṃ, jinaṃ janamanoramaṃ.
সারিপুত্তং মহাসামিং, নেকসত্থৰিসারদং।
Sāriputtaṃ mahāsāmiṃ, nekasatthavisāradaṃ;
মহাগুণং মহাপঞ্ঞং, নমো মে সিরসা গরুং॥
Mahāguṇaṃ mahāpaññaṃ, namo me sirasā garuṃ.
খুদ্দসিক্খায টীকা যা, পুরাতনা সমীরিতা।
Khuddasikkhāya ṭīkā yā, purātanā samīritā;
ন তায সক্কা সক্কচ্চং, অত্থো সব্বত্থ ঞাতৰে॥
Na tāya sakkā sakkaccaṃ, attho sabbattha ñātave.
ততোনেকগুণানং যো, মঞ্জূসা রতনানৰ।
Tatonekaguṇānaṃ yo, mañjūsā ratanānava;
সুমঙ্গলসনামেন, তেন পঞ্ঞৰতা সতা॥
Sumaṅgalasanāmena, tena paññavatā satā.
অজ্ঝেসিতো যতিন্দেন, সদারঞ্ঞনিৰাসিনা।
Ajjhesito yatindena, sadāraññanivāsinā;
সৰিনিচ্ছযমেতিস্সা, করিস্সামত্থৰণ্ণনং॥
Savinicchayametissā, karissāmatthavaṇṇanaṃ.
