| Library / Tipiṭaka / तिपिटक • Tipiṭaka / नेत्तिप्पकरण-अट्ठकथा • Nettippakaraṇa-aṭṭhakathā |
निगमनकथा
Nigamanakathā
एत्तावता च –
Ettāvatā ca –
हारे नये च पट्ठाने, सुविसुद्धविनिच्छयं।
Hāre naye ca paṭṭhāne, suvisuddhavinicchayaṃ;
विभजन्तो नवङ्गस्स, सासनस्सत्थवण्णनं॥
Vibhajanto navaṅgassa, sāsanassatthavaṇṇanaṃ.
नेत्तिप्पकरणं धीरो, गम्भीरं निपुणञ्च यं।
Nettippakaraṇaṃ dhīro, gambhīraṃ nipuṇañca yaṃ;
अदेसयि महाथेरो, महाकच्चायनो वसी॥
Adesayi mahāthero, mahākaccāyano vasī.
सद्धम्मावतरट्ठाने, पट्टने नागसव्हये।
Saddhammāvataraṭṭhāne, paṭṭane nāgasavhaye;
धम्मासोकमहाराज-विहारे वसता मया॥
Dhammāsokamahārāja-vihāre vasatā mayā.
चिरट्ठितत्थं या तस्स, आरद्धा अत्थवण्णना।
Ciraṭṭhitatthaṃ yā tassa, āraddhā atthavaṇṇanā;
उदाहरणसुत्तानं, लक्खणानञ्च सब्बसो॥
Udāharaṇasuttānaṃ, lakkhaṇānañca sabbaso.
अत्थं पकासयन्ती सा, अनाकुलविनिच्छया।
Atthaṃ pakāsayantī sā, anākulavinicchayā;
समत्ता सत्तवीसाय, पाळिया भाणवारतो॥
Samattā sattavīsāya, pāḷiyā bhāṇavārato.
इति तं सङ्खरोन्तेन, यं तं अधिगतं मया।
Iti taṃ saṅkharontena, yaṃ taṃ adhigataṃ mayā;
पुञ्ञं तस्सानुभावेन, लोकनाथस्स सासनं॥
Puññaṃ tassānubhāvena, lokanāthassa sāsanaṃ.
ओगाहेत्वा विसुद्धाय, सीलादिपटिपत्तिया।
Ogāhetvā visuddhāya, sīlādipaṭipattiyā;
सब्बेपि देहिनो होन्तु, विमुत्तिरसभागिनो॥
Sabbepi dehino hontu, vimuttirasabhāgino.
चिरं तिट्ठतु लोकस्मिं, सम्मासम्बुद्धसासनं।
Ciraṃ tiṭṭhatu lokasmiṃ, sammāsambuddhasāsanaṃ;
तस्मिं सगारवा निच्चं, होन्तु सब्बेपि पाणिनो॥
Tasmiṃ sagāravā niccaṃ, hontu sabbepi pāṇino.
सम्मा वस्सतु कालेन, देवोपि जगतीपति।
Sammā vassatu kālena, devopi jagatīpati;
सद्धम्मनिरतो लोकं, धम्मेनेव पसासतूति॥
Saddhammanirato lokaṃ, dhammeneva pasāsatūti.
इति बदरतित्थविहारवासिना आचरियधम्मपालेन कता
Iti badaratitthavihāravāsinā ācariyadhammapālena katā
नेत्तिप्पकरणस्स अत्थसंवण्णना समत्ताति।
Nettippakaraṇassa atthasaṃvaṇṇanā samattāti.
नेत्तिप्पकरण-अट्ठकथा निट्ठिता।
Nettippakaraṇa-aṭṭhakathā niṭṭhitā.
Related texts:
टीका • Tīkā / सुत्तपिटक (टीका) • Suttapiṭaka (ṭīkā) / खुद्दकनिकाय (टीका) • Khuddakanikāya (ṭīkā) / नेत्तिप्पकरण-टीका • Nettippakaraṇa-ṭīkā / निगमनकथावण्णना • Nigamanakathāvaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / खुद्दकनिकाय (टीका) • Khuddakanikāya (ṭīkā) / नेत्तिविभाविनी • Nettivibhāvinī / निगमनकथा • Nigamanakathā
