| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
3. нид̣̇д̣̇зсавааро
3. Niddesavāro
4. д̇ад̇т̇а сан̇кзбад̇о нзд̇д̇и гид̇д̇ид̇аа.
4. Tattha saṅkhepato netti kittitā.
хаарасан̇кзбо
Hārasaṅkhepo
1.
1.
ассаад̣̇аад̣̇ийнавад̇аа , ниссаран̣амби жа палам̣ убааяо жа;
Assādādīnavatā , nissaraṇampi ca phalaṃ upāyo ca;
аан̣ад̇д̇ий жа бхаг̇авад̇о, яог̇ийнам̣ д̣̇зсанаахааро.
Āṇattī ca bhagavato, yogīnaṃ desanāhāro.
2.
2.
яам̣ бужчид̇ан̃жа виссаж̇ж̇ид̇ан̃жа, суд̇д̇асса яаа жа ануг̇ийд̇и;
Yaṃ pucchitañca vissajjitañca, suttassa yā ca anugīti;
суд̇д̇асса яо бавижаяо, хааро вижаяод̇и нид̣̇д̣̇идто.
Suttassa yo pavicayo, hāro vicayoti niddiṭṭho.
3.
3.
саб̣б̣зсам̣ хаараанам̣, яаа бхуумий яо жа г̇ожаро д̇зсам̣;
Sabbesaṃ hārānaṃ, yā bhūmī yo ca gocaro tesaṃ;
яуд̇д̇ааяуд̇д̇абаригкаа, хааро яуд̇д̇ийд̇и нид̣̇д̣̇идто.
Yuttāyuttaparikkhā, hāro yuttīti niddiṭṭho.
4.
4.
д̇хаммам̣ д̣̇зсзд̇и ж̇ино, д̇асса жа д̇хаммасса яам̣ бад̣̇адтаанам̣;
Dhammaṃ deseti jino, tassa ca dhammassa yaṃ padaṭṭhānaṃ;
ид̇и яаава саб̣б̣ад̇хаммаа, зсо хааро бад̣̇адтаано.
Iti yāva sabbadhammā, eso hāro padaṭṭhāno.
5.
5.
вуд̇д̇амхи згад̇хаммз, яз д̇хаммаа згалагкан̣аа гзжи;
Vuttamhi ekadhamme, ye dhammā ekalakkhaṇā keci;
вуд̇д̇аа бхаванд̇и саб̣б̣з, со хааро лагкан̣о наама.
Vuttā bhavanti sabbe, so hāro lakkhaṇo nāma.
6.
6.
нзруд̇д̇амад̇хиббааяо, б̣яан̃ж̇анамат̇а д̣̇зсанаанид̣̇аанан̃жа;
Neruttamadhippāyo, byañjanamatha desanānidānañca;
буб̣б̣аабараанусанд̇хий, зсо хааро жад̇уб̣яуухо.
Pubbāparānusandhī, eso hāro catubyūho.
7.
7.
згамхи бад̣̇адтаанз, бариязсад̇и сзсагам̣ бад̣̇адтаанам̣;
Ekamhi padaṭṭhāne, pariyesati sesakaṃ padaṭṭhānaṃ;
ааваддад̇и бадибагкз, ааваддо наама со хааро.
Āvaṭṭati paṭipakkhe, āvaṭṭo nāma so hāro.
8.
8.
д̇хамман̃жа бад̣̇адтаанам̣, бхуумин̃жа вибхаж̇ж̇ад̇з аяам̣ хааро;
Dhammañca padaṭṭhānaṃ, bhūmiñca vibhajjate ayaṃ hāro;
саад̇хааран̣з асаад̇хааран̣з жа нзяяо вибхад̇д̇ийд̇и.
Sādhāraṇe asādhāraṇe ca neyyo vibhattīti.
9.
9.
гусалаагусалз д̇хаммз, нид̣̇д̣̇идтз бхаавид̇з бахийнз жа;
Kusalākusale dhamme, niddiṭṭhe bhāvite pahīne ca;
баривад̇д̇ад̇и бадибагкз, хааро баривад̇д̇ано наама.
Parivattati paṭipakkhe, hāro parivattano nāma.
10.
10.
взважанаани б̣ахууни д̇у, суд̇д̇з вуд̇д̇аани згад̇хаммасса;
Vevacanāni bahūni tu, sutte vuttāni ekadhammassa;
яо ж̇аанаад̇и суд̇д̇авид̣̇уу, взважано наама со хааро.
Yo jānāti suttavidū, vevacano nāma so hāro.
11.
11.
згам̣ бхаг̇аваа д̇хаммам̣, бан̃н̃ад̇д̇ийхи вивид̇хаахи д̣̇зсзд̇и;
Ekaṃ bhagavā dhammaṃ, paññattīhi vividhāhi deseti;
со аагааро н̃зяяо, бан̃н̃ад̇д̇ий наама хаарод̇и.
So ākāro ñeyyo, paññattī nāma hāroti.
12.
12.
яо жа бадижжуббаад̣̇о, инд̣̇рияаканд̇хаа жа д̇хаад̇у ааяад̇анаа;
Yo ca paṭiccuppādo, indriyakhandhā ca dhātu āyatanā;
зд̇зхи од̇арад̇и яо, од̇аран̣о наама со хааро.
Etehi otarati yo, otaraṇo nāma so hāro.
13.
13.
виссаж̇ж̇ид̇амхи бан̃хз, г̇аат̇ааяам̣ бужчид̇ааяамаараб̣бха;
Vissajjitamhi pañhe, gāthāyaṃ pucchitāyamārabbha;
суд̣̇д̇хаасуд̣̇д̇хабаригкаа, хааро со сод̇хано наама.
Suddhāsuddhaparikkhā, hāro so sodhano nāma.
14.
14.
згад̇д̇ад̇ааяа д̇хаммаа, язби жа взмад̇д̇ад̇ааяа нид̣̇д̣̇идтаа;
Ekattatāya dhammā, yepi ca vemattatāya niddiṭṭhā;
д̇зна вигаббаяид̇аб̣б̣аа, зсо хааро ад̇хидтаано.
Tena vikappayitabbā, eso hāro adhiṭṭhāno.
15.
15.
яз д̇хаммаа яам̣ д̇хаммам̣, ж̇анаяанд̇иббажжаяаа барамбарад̇о;
Ye dhammā yaṃ dhammaṃ, janayantippaccayā paramparato;
хзд̇умавагад̣дхаяид̇ваа, зсо хааро баригкааро.
Hetumavakaḍḍhayitvā, eso hāro parikkhāro.
16.
16.
яз д̇хаммаа яам̣ муулаа, яз жзгад̇т̇аа багаасид̇аа мунинаа;
Ye dhammā yaṃ mūlā, ye cekatthā pakāsitā muninā;
д̇з самаробаяид̇аб̣б̣аа, зса самааробано хааро.
Te samaropayitabbā, esa samāropano hāro.
наяасан̇кзбо
Nayasaṅkhepo
17.
17.
д̇ан̣хан̃жа авиж̇ж̇амби жа, самат̇зна вибассанаа яо нзд̇и;
Taṇhañca avijjampi ca, samathena vipassanā yo neti;
сажжзхи яож̇аяид̇ваа, аяам̣ наяо нанд̣̇ияааваддо.
Saccehi yojayitvā, ayaṃ nayo nandiyāvaṭṭo.
18.
18.
яо агусалз самуулзхи, нзд̇и гусалз жа гусаламуулзхи;
Yo akusale samūlehi, neti kusale ca kusalamūlehi;
бхууд̇ам̣ д̇ат̇ам̣ авид̇ат̇ам̣, д̇ибугкалам̣ д̇ам̣ наяам̣ ааху.
Bhūtaṃ tathaṃ avitathaṃ, tipukkhalaṃ taṃ nayaṃ āhu.
19.
19.
яо нзд̇и вибаллаасзхи, гилзсз инд̣̇риязхи сад̣̇д̇хаммз;
Yo neti vipallāsehi, kilese indriyehi saddhamme;
зд̇ам̣ наяам̣ наяавид̣̇уу, сийхавиггийл̣ид̇ам̣ ааху.
Etaṃ nayaṃ nayavidū, sīhavikkīḷitaṃ āhu.
20.
20.
взяяаагаран̣зсу хи яз, гусалаагусалаа д̇ахим̣ д̇ахим̣ вуд̇д̇аа;
Veyyākaraṇesu hi ye, kusalākusalā tahiṃ tahiṃ vuttā;
манасаа вологаяад̇з, д̇ам̣ ку д̣̇исааложанам̣ ааху.
Manasā volokayate, taṃ khu disālocanaṃ āhu.
21.
21.
ологзд̇ваа д̣̇исаложанзна, угкибияа яам̣ самаанзд̇и;
Oloketvā disalocanena, ukkhipiya yaṃ samāneti;
саб̣б̣з гусалаагусалз, аяам̣ наяо ан̇гусо наама.
Sabbe kusalākusale, ayaṃ nayo aṅkuso nāma.
22.
22.
сол̣аса хаараа батамам̣, д̣̇исаложанад̇о 1 д̣̇исаа вилогзд̇ваа;
Soḷasa hārā paṭhamaṃ, disalocanato 2 disā viloketvā;
сан̇кибияа ан̇гусзна хи, наязхи д̇ийхи нид̣̇д̣̇исз суд̇д̇ам̣.
Saṅkhipiya aṅkusena hi, nayehi tīhi niddise suttaṃ.
д̣̇ваад̣̇асабад̣̇а
Dvādasapada
23.
23.
агкарам̣ бад̣̇ам̣ б̣яан̃ж̇анам̣, нируд̇д̇и д̇ат̇зва нид̣̇д̣̇зсо;
Akkharaṃ padaṃ byañjanaṃ, nirutti tatheva niddeso;
аагаарачадтаважанам̣, зд̇д̇аава б̣яан̃ж̇анам̣ саб̣б̣ам̣.
Ākārachaṭṭhavacanaṃ, ettāva byañjanaṃ sabbaṃ.
24.
24.
сан̇гаасанаа багаасанаа, виваран̣аа вибхаж̇ануд̇д̇аанийгаммабан̃н̃ад̇д̇и;
Saṅkāsanā pakāsanā, vivaraṇā vibhajanuttānīkammapaññatti;
зд̇зхи чахи бад̣̇зхи, ад̇т̇о гамман̃жа нид̣̇д̣̇идтам̣.
Etehi chahi padehi, attho kammañca niddiṭṭhaṃ.
25.
25.
д̇ийн̣и жа наяаа ануунаа, ад̇т̇асса жа чаббад̣̇аани г̇ан̣ид̇аани;
Tīṇi ca nayā anūnā, atthassa ca chappadāni gaṇitāni;
навахи бад̣̇зхи бхаг̇авад̇о, важанассад̇т̇о самааяуд̇д̇о.
Navahi padehi bhagavato, vacanassattho samāyutto.
26.
26.
ад̇т̇асса наваббад̣̇аани, б̣яан̃ж̇анабарияздтияаа жад̇уб̣б̣ийса;
Atthassa navappadāni, byañjanapariyeṭṭhiyā catubbīsa;
убхаяам̣ сан̇галаяид̇ваа 3, д̇зд̇д̇им̣саа зд̇д̇игаа нзд̇д̇ийд̇и.
Ubhayaṃ saṅkalayitvā 4, tettiṃsā ettikā nettīti.
нид̣̇д̣̇зсавааро.
Niddesavāro.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 3. нид̣̇д̣̇зсаваараван̣н̣анаа • 3. Niddesavāravaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 3. нид̣̇д̣̇зсаваараван̣н̣анаа • 3. Niddesavāravaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 3. нид̣̇д̣̇зсаваараад̇т̇авибхааванаа • 3. Niddesavāraatthavibhāvanā
