| Library / Tipiṭaka / តិបិដក • Tipiṭaka / ថេរគាថាបាឡិ • Theragāthāpāḷi |
១១. ន្ហាតកមុនិត្ថេរគាថា
11. Nhātakamunittheragāthā
៤៣៥.
435.
‘‘វាតរោគាភិនីតោ ត្វំ, វិហរំ កាននេ វនេ;
‘‘Vātarogābhinīto tvaṃ, viharaṃ kānane vane;
បវិទ្ធគោចរេ លូខេ, កថំ ភិក្ខុ ករិស្សសិ’’។
Paviddhagocare lūkhe, kathaṃ bhikkhu karissasi’’.
៤៣៦.
436.
‘‘បីតិសុខេន វិបុលេន, ផរិត្វាន សមុស្សយំ;
‘‘Pītisukhena vipulena, pharitvāna samussayaṃ;
លូខម្បិ អភិសម្ភោន្តោ, វិហរិស្សាមិ កាននេ។
Lūkhampi abhisambhonto, viharissāmi kānane.
៤៣៧.
437.
‘‘ភាវេន្តោ សត្ត ពោជ្ឈង្គេ, ឥន្ទ្រិយានិ ពលានិ ច;
‘‘Bhāvento satta bojjhaṅge, indriyāni balāni ca;
៤៣៨.
438.
‘‘វិប្បមុត្តំ កិលេសេហិ, សុទ្ធចិត្តំ អនាវិលំ;
‘‘Vippamuttaṃ kilesehi, suddhacittaṃ anāvilaṃ;
អភិណ្ហំ បច្ចវេក្ខន្តោ, វិហរិស្សំ អនាសវោ។
Abhiṇhaṃ paccavekkhanto, viharissaṃ anāsavo.
៤៣៩.
439.
‘‘អជ្ឈត្តញ្ច ពហិទ្ធា ច, យេ មេ វិជ្ជិំសុ អាសវា;
‘‘Ajjhattañca bahiddhā ca, ye me vijjiṃsu āsavā;
សព្ពេ អសេសា ឧច្ឆិន្នា, ន ច ឧប្បជ្ជរេ បុន។
Sabbe asesā ucchinnā, na ca uppajjare puna.
៤៤០.
440.
‘‘បញ្ចក្ខន្ធា បរិញ្ញាតា, តិដ្ឋន្តិ ឆិន្នមូលកា;
‘‘Pañcakkhandhā pariññātā, tiṭṭhanti chinnamūlakā;
ទុក្ខក្ខយោ អនុប្បត្តោ, នត្ថិ ទានិ បុនព្ភវោ’’តិ។
Dukkhakkhayo anuppatto, natthi dāni punabbhavo’’ti.
… ន្ហាតកមុនិត្ថេរោ…។
… Nhātakamunitthero….
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរគាថា-អដ្ឋកថា • Theragāthā-aṭṭhakathā / ១១. ន្ហាតកមុនិត្ថេរគាថាវណ្ណនា • 11. Nhātakamunittheragāthāvaṇṇanā
