| Library / Tipiṭaka / तिपिटक • Tipiṭaka / थेरगाथापाळि • Theragāthāpāḷi |
११. न्हातकमुनित्थेरगाथा
11. Nhātakamunittheragāthā
४३५.
435.
‘‘वातरोगाभिनीतो त्वं, विहरं कानने वने।
‘‘Vātarogābhinīto tvaṃ, viharaṃ kānane vane;
पविद्धगोचरे लूखे, कथं भिक्खु करिस्ससि’’॥
Paviddhagocare lūkhe, kathaṃ bhikkhu karissasi’’.
४३६.
436.
‘‘पीतिसुखेन विपुलेन, फरित्वान समुस्सयं।
‘‘Pītisukhena vipulena, pharitvāna samussayaṃ;
लूखम्पि अभिसम्भोन्तो, विहरिस्सामि कानने॥
Lūkhampi abhisambhonto, viharissāmi kānane.
४३७.
437.
‘‘भावेन्तो सत्त बोज्झङ्गे, इन्द्रियानि बलानि च।
‘‘Bhāvento satta bojjhaṅge, indriyāni balāni ca;
४३८.
438.
‘‘विप्पमुत्तं किलेसेहि, सुद्धचित्तं अनाविलं।
‘‘Vippamuttaṃ kilesehi, suddhacittaṃ anāvilaṃ;
अभिण्हं पच्चवेक्खन्तो, विहरिस्सं अनासवो॥
Abhiṇhaṃ paccavekkhanto, viharissaṃ anāsavo.
४३९.
439.
‘‘अज्झत्तञ्च बहिद्धा च, ये मे विज्जिंसु आसवा।
‘‘Ajjhattañca bahiddhā ca, ye me vijjiṃsu āsavā;
सब्बे असेसा उच्छिन्ना, न च उप्पज्जरे पुन॥
Sabbe asesā ucchinnā, na ca uppajjare puna.
४४०.
440.
‘‘पञ्चक्खन्धा परिञ्ञाता, तिट्ठन्ति छिन्नमूलका।
‘‘Pañcakkhandhā pariññātā, tiṭṭhanti chinnamūlakā;
दुक्खक्खयो अनुप्पत्तो, नत्थि दानि पुनब्भवो’’ति॥
Dukkhakkhayo anuppatto, natthi dāni punabbhavo’’ti.
… न्हातकमुनित्थेरो…।
… Nhātakamunitthero….
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरगाथा-अट्ठकथा • Theragāthā-aṭṭhakathā / ११. न्हातकमुनित्थेरगाथावण्णना • 11. Nhātakamunittheragāthāvaṇṇanā
