| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
។ នមោ តស្ស ភគវតោ អរហតោ សម្មាសម្ពុទ្ធស្ស។
Namo tassa bhagavato arahato sammāsambuddhassa
អភិធម្មបិដកេ
Abhidhammapiṭake
បញ្ចបករណ-អដ្ឋកថា
Pañcapakaraṇa-aṭṭhakathā
ធាតុកថា-អដ្ឋកថា
Dhātukathā-aṭṭhakathā
អដ្ឋារសហិ ភេទេហិ, វិភង្គំ មារភញ្ជនោ;
Aṭṭhārasahi bhedehi, vibhaṅgaṃ mārabhañjano;
ទេសយិត្វា មហាវីរោ, យំ តស្សេវ អនន្តរំ។
Desayitvā mahāvīro, yaṃ tasseva anantaraṃ.
អទេសយិ ធាតុកថំ, ធាតុភេទប្បកាសនោ;
Adesayi dhātukathaṃ, dhātubhedappakāsano;
តស្សត្ថំ ទីបយិស្សាមិ, តំ សុណាថ សមាហិតាតិ។
Tassatthaṃ dīpayissāmi, taṃ suṇātha samāhitāti.
១. មាតិកាវណ្ណនា
1. Mātikāvaṇṇanā
១. នយមាតិកាវណ្ណនា
1. Nayamātikāvaṇṇanā
១. សង្គហោ អសង្គហោតិអាទីនញ្ហិ វសេន ឥទំ បករណំ ចុទ្ទសវិធេន វិភត្តន្តិ វុត្តំ។ តំ សព្ពម្បិ ឧទ្ទេសនិទ្ទេសតោ ទ្វិធា ឋិតំ។ តត្ថ មាតិកា ឧទ្ទេសោ។ សា បញ្ចវិធា – នយមាតិកា, អព្ភន្តរមាតិកា, នយមុខមាតិកា, លក្ខណមាតិកា, ពាហិរមាតិកាតិ។ តត្ថ សង្គហោ អសង្គហោ…បេ.… វិប្បយុត្តេន សង្គហិតំ អសង្គហិតន្តិ – អយំ ចុទ្ទសហិ បទេហិ និក្ខិត្តា នយមាតិកា នាម។ អយញ្ហិ ឥមិនា សង្គហាទិកេន នយេន ធាតុកថា ធម្មា វិភត្តាតិ ទស្សេតុំ ឋបិតត្តា នយមាតិកាតិ វុច្ចតិ។ ឯតេសំ បទានំ មូលភូតត្តា មូលមាតិកាតិបិ វត្តុំ វដ្ដតិ។
1. Saṅgahoasaṅgahotiādīnañhi vasena idaṃ pakaraṇaṃ cuddasavidhena vibhattanti vuttaṃ. Taṃ sabbampi uddesaniddesato dvidhā ṭhitaṃ. Tattha mātikā uddeso. Sā pañcavidhā – nayamātikā, abbhantaramātikā, nayamukhamātikā, lakkhaṇamātikā, bāhiramātikāti. Tattha saṅgaho asaṅgaho…pe… vippayuttena saṅgahitaṃ asaṅgahitanti – ayaṃ cuddasahi padehi nikkhittā nayamātikā nāma. Ayañhi iminā saṅgahādikena nayena dhātukathā dhammā vibhattāti dassetuṃ ṭhapitattā nayamātikāti vuccati. Etesaṃ padānaṃ mūlabhūtattā mūlamātikātipi vattuṃ vaṭṭati.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / ធាតុកថាបាឡិ • Dhātukathāpāḷi / ១. នយមាតិកា • 1. Nayamātikā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ១. នយមាតិកាវណ្ណនា • 1. Nayamātikāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១. នយមាតិកាវណ្ណនា • 1. Nayamātikāvaṇṇanā
