| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
8. нааваасуд̇д̇ам̣
8. Nāvāsuttaṃ
318.
318.
яасмаа хи д̇хаммам̣ бурисо виж̇ан̃н̃аа, инд̣̇ам̣ва нам̣ д̣̇звад̇аа бууж̇аязяяа;
Yasmā hi dhammaṃ puriso vijaññā, indaṃva naṃ devatā pūjayeyya;
со бууж̇ид̇о д̇асми басаннажид̇д̇о, б̣ахуссуд̇о баад̇угарод̇и д̇хаммам̣.
So pūjito tasmi pasannacitto, bahussuto pātukaroti dhammaṃ.
319.
319.
д̇ад̣̇адтигад̇ваана нисамма д̇хийро, д̇хаммаануд̇хаммам̣ бадибаж̇ж̇амаано;
Tadaṭṭhikatvāna nisamma dhīro, dhammānudhammaṃ paṭipajjamāno;
вин̃н̃уу вибхаавий нибун̣о жа ход̇и, яо д̇аад̣̇исам̣ бхаж̇ад̇и аббамад̇д̇о.
Viññū vibhāvī nipuṇo ca hoti, yo tādisaṃ bhajati appamatto.
320.
320.
куд̣̇д̣̇ан̃жа б̣аалам̣ убасзвамаано, анааг̇ад̇ад̇т̇ан̃жа усууяаган̃жа;
Khuddañca bālaṃ upasevamāno, anāgatatthañca usūyakañca;
ид̇хзва д̇хаммам̣ авибхааваяид̇ваа, авид̇ин̣н̣аган̇ко маран̣ам̣ убзд̇и.
Idheva dhammaṃ avibhāvayitvā, avitiṇṇakaṅkho maraṇaṃ upeti.
321.
321.
яат̇аа наро аабаг̇амод̇арид̇ваа, маход̣̇агам̣ салилам̣ сийгхасод̇ам̣;
Yathā naro āpagamotaritvā, mahodakaṃ salilaṃ sīghasotaṃ;
со вуяхамаано анусод̇аг̇аамий, гим̣ со барз сагкад̇и д̇аараязд̇ум̣.
So vuyhamāno anusotagāmī, kiṃ so pare sakkhati tārayetuṃ.
322.
322.
д̇ат̇зва д̇хаммам̣ авибхааваяид̇ваа, б̣ахуссуд̇аанам̣ анисаамаяад̇т̇ам̣;
Tatheva dhammaṃ avibhāvayitvā, bahussutānaṃ anisāmayatthaṃ;
саяам̣ аж̇аанам̣ авид̇ин̣н̣аган̇ко, гим̣ со барз сагкад̇и ниж̇жхабзд̇ум̣.
Sayaṃ ajānaṃ avitiṇṇakaṅkho, kiṃ so pare sakkhati nijjhapetuṃ.
323.
323.
яат̇ааби наавам̣ д̣̇ал̣хамаарухид̇ваа, пиязна 1 рид̇д̇зна саман̇г̇ибхууд̇о;
Yathāpi nāvaṃ daḷhamāruhitvā, phiyena 2 rittena samaṅgibhūto;
со д̇аараяз д̇ад̇т̇а б̣ахууби ан̃н̃з, д̇ад̇руубаяан̃н̃уу гусало муд̇иймаа 3.
So tāraye tattha bahūpi aññe, tatrūpayaññū kusalo mutīmā 4.
324.
324.
звамби яо взд̣̇аг̇у бхаавид̇ад̇д̇о, б̣ахуссуд̇о ход̇и авзд̇хад̇хаммо;
Evampi yo vedagu bhāvitatto, bahussuto hoti avedhadhammo;
со ко барз ниж̇жхабаяз баж̇аанам̣, сод̇аавад̇хаануубанисуубабаннз.
So kho pare nijjhapaye pajānaṃ, sotāvadhānūpanisūpapanne.
325.
325.
д̇асмаа хавз саббурисам̣ бхаж̇зт̇а, мзд̇хаавинан̃жзва б̣ахуссуд̇ан̃жа;
Tasmā have sappurisaṃ bhajetha, medhāvinañceva bahussutañca;
ан̃н̃ааяа ад̇т̇ам̣ бадибаж̇ж̇амаано, вин̃н̃аад̇ад̇хаммо са сукам̣ 5 лабхзт̇аад̇и.
Aññāya atthaṃ paṭipajjamāno, viññātadhammo sa sukhaṃ 6 labhethāti.
нааваасуд̇д̇ам̣ адтамам̣ нидтид̇ам̣.
Nāvāsuttaṃ aṭṭhamaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 8. д̇хаммасуд̇д̇а-(нааваасуд̇д̇а)-ван̣н̣анаа • 8. Dhammasutta-(nāvāsutta)-vaṇṇanā
