| Library / Tipiṭaka / តិបិដក • Tipiṭaka / កង្ខាវិតរណី-បុរាណ-ដីកា • Kaṅkhāvitaraṇī-purāṇa-ṭīkā |
៩. នវមវគ្គវណ្ណនា
9. Navamavaggavaṇṇanā
តតិយេ ‘‘សេសំ វុត្តនយេន វេទិតព្ពំ, ឥទំ បន អកុសលចិត្ត’’ន្តិ បាឋោ។
Tatiye ‘‘sesaṃ vuttanayena veditabbaṃ, idaṃ pana akusalacitta’’nti pāṭho.
ចតុត្ថេ វុត្តនយេនាតិ តតិយេ វុត្តនយេន។
Catutthe vuttanayenāti tatiye vuttanayena.
ឯកាទសមេ ‘‘សមុដ្ឋានាទីនិ កថិនសទិសានិ, ឥទំ បន កិរិយាកិរិយ’’ន្តិ បាឋោ។
Ekādasame ‘‘samuṭṭhānādīni kathinasadisāni, idaṃ pana kiriyākiriya’’nti pāṭho.
ទ្វាទសមេ ‘‘សមុដ្ឋានាទីនិ បទសោធម្មសទិសានិ, ឥទំ បន កិរិយាកិរិយ’’ន្តិ បាឋោ។
Dvādasame ‘‘samuṭṭhānādīni padasodhammasadisāni, idaṃ pana kiriyākiriya’’nti pāṭho.
តេរសមេ ‘‘សំកច្ចិកំ នាម អធក្ខកំ ឧព្ភនាភិ, តស្សា បដិច្ឆាទនត្ថាយា’’តិ (បាចិ. ១២២៦) បាឡិយំ វុត្តត្តា ឥធាបិ ‘‘អធក្ខកឧព្ភនាភិសង្ខាតស្ស សរីរស្ស បដិច្ឆាទនត្ថ’’ន្តិ បាឋោ។ អបរិក្ខេបេ អាបត្តិបរិច្ឆេទំ សមន្តបាសាទិកវសេន អគ្គហេត្វា ឥធ វុត្តនយេន គហេតព្ពន្តិ លិខិតំ។
Terasame ‘‘saṃkaccikaṃ nāma adhakkhakaṃ ubbhanābhi, tassā paṭicchādanatthāyā’’ti (pāci. 1226) pāḷiyaṃ vuttattā idhāpi ‘‘adhakkhakaubbhanābhisaṅkhātassa sarīrassa paṭicchādanattha’’nti pāṭho. Aparikkhepe āpattiparicchedaṃ samantapāsādikavasena aggahetvā idha vuttanayena gahetabbanti likhitaṃ.
នវមវគ្គវណ្ណនា និដ្ឋិតា។
Navamavaggavaṇṇanā niṭṭhitā.
សុទ្ធបាចិត្តិយវណ្ណនា និដ្ឋិតា។
Suddhapācittiyavaṇṇanā niṭṭhitā.
