| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. નવકમ્મિકસુત્તવણ્ણના
7. Navakammikasuttavaṇṇanā
૨૦૩. સત્તમે નવકમ્મિકભારદ્વાજોતિ સો કિર અરઞ્ઞે રુક્ખં છિન્દાપેત્વા તત્થેવ પાસાદકૂટાગારાદીનિ યોજેત્વા નગરં આહરિત્વા વિક્કિણાતિ, ઇતિ નવકમ્મં નિસ્સાય જીવતીતિ નવકમ્મિકો, ગોત્તેન ભારદ્વાજોતિ નવકમ્મિકભારદ્વાજો. દિસ્વાનસ્સ એતદહોસીતિ છબ્બણ્ણરસ્મિયો વિસ્સજ્જેત્વા નિસિન્નં ભગવન્તં દિસ્વાન અસ્સ એતં અહોસિ. વનસ્મિન્તિ ઇમસ્મિં વનસણ્ડે. ઉચ્છિન્નમૂલં મે વનન્તિ મય્હં કિલેસવનં ઉચ્છિન્નમૂલં. નિબ્બનથોતિ નિક્કિલેસવનો. એકો રમેતિ એકકો અભિરમામિ. અરતિં વિપ્પહાયાતિ પન્તસેનાસનેસુ ચેવ ભાવનાય ચ ઉક્કણ્ઠિતં જહિત્વા. સત્તમં.
203. Sattame navakammikabhāradvājoti so kira araññe rukkhaṃ chindāpetvā tattheva pāsādakūṭāgārādīni yojetvā nagaraṃ āharitvā vikkiṇāti, iti navakammaṃ nissāya jīvatīti navakammiko, gottena bhāradvājoti navakammikabhāradvājo. Disvānassa etadahosīti chabbaṇṇarasmiyo vissajjetvā nisinnaṃ bhagavantaṃ disvāna assa etaṃ ahosi. Vanasminti imasmiṃ vanasaṇḍe. Ucchinnamūlaṃ me vananti mayhaṃ kilesavanaṃ ucchinnamūlaṃ. Nibbanathoti nikkilesavano. Eko rameti ekako abhiramāmi. Aratiṃ vippahāyāti pantasenāsanesu ceva bhāvanāya ca ukkaṇṭhitaṃ jahitvā. Sattamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. નવકમ્મિકસુત્તં • 7. Navakammikasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. વનકમ્મિકસુત્તવણ્ણના • 7. Vanakammikasuttavaṇṇanā
