| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
နသမ္မာဝတ္တနာဒိကထာဝဏ္ဏနာ
Nasammāvattanādikathāvaṇṇanā
၆၈. အဓိမတ္တံ ဂေဟသ္သိတပေမံ န ဟောတီတိ ဧတ္ထ ဂေဟသ္သိတပေမံ န အကုသလမိစ္စေဝ ဒဋ္ဌဗ္ဗံ ခီဏာသဝာနမ္ပိ သာဓာရဏတ္တာ ဣမသ္သ လက္ခဏသ္သ။ န ခီဏာသဝာနံ အသမ္မာဝတ္တနာဘာဝတောတိ စေ? န, တေသံ န ပဏာမေတဗ္ဗံ တံသမန္နာဂမနသိဒ္ဓိတော, တသ္မာ ‘‘မမေသ ဘာရော’’တိ မမတ္တကရဏံ တတ္ထ ပေမန္တိ ဝေဒိတဗ္ဗံ။ ‘‘ဧကော ဝတ္တသမ္ပန္နော။ပေ.။ တေသံ အနာပတ္တီ’တိ ဧတ္ထ ဝိယ သစေ ဧကော ဝတ္တသမ္ပန္နော ဘိက္ခု ‘ဘန္တေ, တုမ္ဟေ အပ္ပောသ္သုက္ကာ ဟောထ, အဟံ တုမ္ဟာကံ သဒ္ဓိဝိဟာရိကံ, အန္တေဝာသိကံ ဝာ ဂိလာနံ ဝာ ဥပဋ္ဌဟိသ္သာမိ, ဩဝဒိတဗ္ဗံ ဩဝဒိသ္သာမိ, ဣတိ ကရဏီယေသု ဥသ္သုက္ကံ အာပဇ္ဇိသ္သာမီ’တိ ဝဒတိ, တေ ဧဝာသဒ္ဓိဝိဟာရိကာဒယော ‘ဘန္တေ, တုမ္ဟေဝ ကေဝလံ အပ္ပောသ္သုက္ကာ ဟောထာ’တိ ဝဒန္တိ, ဝတ္တံ ဝာ န သာဒိယန္တိ, တတော ပဋ္ဌာယ အာစရိယုပဇ္ဈာယာနံ အနာပတ္တီ’’တိ ဝုတ္တံ။
68.Adhimattaṃ gehassitapemaṃ na hotīti ettha gehassitapemaṃ na akusalamicceva daṭṭhabbaṃ khīṇāsavānampi sādhāraṇattā imassa lakkhaṇassa. Na khīṇāsavānaṃ asammāvattanābhāvatoti ce? Na, tesaṃ na paṇāmetabbaṃ taṃsamannāgamanasiddhito, tasmā ‘‘mamesa bhāro’’ti mamattakaraṇaṃ tattha pemanti veditabbaṃ. ‘‘Eko vattasampanno…pe… tesaṃ anāpattī’ti ettha viya sace eko vattasampanno bhikkhu ‘bhante, tumhe appossukkā hotha, ahaṃ tumhākaṃ saddhivihārikaṃ, antevāsikaṃ vā gilānaṃ vā upaṭṭhahissāmi, ovaditabbaṃ ovadissāmi, iti karaṇīyesu ussukkaṃ āpajjissāmī’ti vadati, te evāsaddhivihārikādayo ‘bhante, tumheva kevalaṃ appossukkā hothā’ti vadanti, vattaṃ vā na sādiyanti, tato paṭṭhāya ācariyupajjhāyānaṃ anāpattī’’ti vuttaṃ.
နသမ္မာဝတ္တနာဒိကထာဝဏ္ဏနာ နိဋ္ဌိတာ။
Nasammāvattanādikathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၇. ပဏာမိတကထာ • 17. Paṇāmitakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / နသမ္မာဝတ္တနာဒိကထာ • Nasammāvattanādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / နသမ္မာဝတ္တနာဒိကထာဝဏ္ဏနာ • Nasammāvattanādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / နသမ္မာဝတ္တနာဒိကထာဝဏ္ဏနာ • Nasammāvattanādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / နသမ္မာဝတ္တနာဒိကထာ • Nasammāvattanādikathā
