| Library / Tipiṭaka / ਤਿਪਿਟਕ • Tipiṭaka / ਥੇਰੀਗਾਥਾਪਾਲ਼ਿ • Therīgāthāpāḷi |
੫. ਨਨ੍ਦੁਤ੍ਤਰਾਥੇਰੀਗਾਥਾ
5. Nanduttarātherīgāthā
੮੭.
87.
‘‘ਅਗ੍ਗਿਂ ਚਨ੍ਦਞ੍ਚ ਸੂਰਿਯਞ੍ਚ, ਦੇવਤਾ ਚ ਨਮਸ੍ਸਿਹਂ।
‘‘Aggiṃ candañca sūriyañca, devatā ca namassihaṃ;
ਨਦੀਤਿਤ੍ਥਾਨਿ ਗਨ੍ਤ੍વਾਨ, ਉਦਕਂ ਓਰੁਹਾਮਿਹਂ॥
Nadītitthāni gantvāna, udakaṃ oruhāmihaṃ.
੮੮.
88.
‘‘ਬਹੂવਤਸਮਾਦਾਨਾ , ਅਡ੍ਢਂ ਸੀਸਸ੍ਸ ਓਲਿਖਿਂ।
‘‘Bahūvatasamādānā , aḍḍhaṃ sīsassa olikhiṃ;
ਛਮਾਯ ਸੇਯ੍ਯਂ ਕਪ੍ਪੇਮਿ, ਰਤ੍ਤਿਂ ਭਤ੍ਤਂ ਨ ਭੁਞ੍ਜਹਂ॥
Chamāya seyyaṃ kappemi, rattiṃ bhattaṃ na bhuñjahaṃ.
੮੯.
89.
‘‘વਿਭੂਸਾਮਣ੍ਡਨਰਤਾ, ਨ੍ਹਾਪਨੁਚ੍ਛਾਦਨੇਹਿ ਚ।
‘‘Vibhūsāmaṇḍanaratā, nhāpanucchādanehi ca;
ਉਪਕਾਸਿਂ ਇਮਂ ਕਾਯਂ, ਕਾਮਰਾਗੇਨ ਅਟ੍ਟਿਤਾ॥
Upakāsiṃ imaṃ kāyaṃ, kāmarāgena aṭṭitā.
੯੦.
90.
‘‘ਤਤੋ ਸਦ੍ਧਂ ਲਭਿਤ੍વਾਨ, ਪਬ੍ਬਜਿਂ ਅਨਗਾਰਿਯਂ।
‘‘Tato saddhaṃ labhitvāna, pabbajiṃ anagāriyaṃ;
ਦਿਸ੍વਾ ਕਾਯਂ ਯਥਾਭੂਤਂ, ਕਾਮਰਾਗੋ ਸਮੂਹਤੋ॥
Disvā kāyaṃ yathābhūtaṃ, kāmarāgo samūhato.
੯੧.
91.
‘‘ਸਬ੍ਬੇ ਭવਾ ਸਮੁਚ੍ਛਿਨ੍ਨਾ, ਇਚ੍ਛਾ ਚ ਪਤ੍ਥਨਾਪਿ ਚ।
‘‘Sabbe bhavā samucchinnā, icchā ca patthanāpi ca;
ਸਬ੍ਬਯੋਗવਿਸਂਯੁਤ੍ਤਾ, ਸਨ੍ਤਿਂ ਪਾਪੁਣਿ ਚੇਤਸੋ’’ਤਿ॥
Sabbayogavisaṃyuttā, santiṃ pāpuṇi cetaso’’ti.
… ਨਨ੍ਦੁਤ੍ਤਰਾ ਥੇਰੀ…।
… Nanduttarā therī….
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਥੇਰੀਗਾਥਾ-ਅਟ੍ਠਕਥਾ • Therīgāthā-aṭṭhakathā / ੫. ਨਨ੍ਦੁਤ੍ਤਰਾਥੇਰੀਗਾਥਾવਣ੍ਣਨਾ • 5. Nanduttarātherīgāthāvaṇṇanā
