| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯-੧੦. ਨਨ੍ਦਿਕ੍ਖਯਸੁਤ੍ਤਾਦਿવਣ੍ਣਨਾ
9-10. Nandikkhayasuttādivaṇṇanā
੫੧-੫੨. ਨવਮਦਸਮੇਸੂਤਿ ਸੁਤ੍ਤਦ੍વਯਂ ਸਹੇવ ਉਦ੍ਧਟਂ, ਦ੍વੀਸੁਪਿ ਅਤ੍ਥવਣ੍ਣਨਾਯ ਸਰਿਕ੍ਖਭਾવਤੋ। ਨਨ੍ਦਨਟ੍ਠੇਨ ਨਨ੍ਦੀ, ਰਞ੍ਜਨਟ੍ਠੇਨ ਰਾਗੋ। ਸਤਿਪਿ ਸਦ੍ਦਤ੍ਥਤੋ ਭੇਦੇ ‘‘ਇਮੇਸਂ ਅਤ੍ਥਤੋ ਨਿਨ੍ਨਾਨਾਕਰਣਤਾਯਾ’’ਤਿ વਤ੍વਾਪਿ ਪਹਾਯਕਧਮ੍ਮਭੇਦੇਨ ਪਨ ਲਬ੍ਭਤੇવ ਭੇਦਮਤ੍ਤਾਤਿ ਦਸ੍ਸੇਤੁਂ ‘‘ਨਿਬ੍ਬਿਦਾਨੁਪਸ੍ਸਨਾਯ વਾ’’ਤਿਆਦਿ વੁਤ੍ਤਂ। વਿਰਜ੍ਜਨ੍ਤੋ ਰਾਗਂ ਪਜਹਤੀਤਿ ਸਮ੍ਬਨ੍ਧੋ। ਏਤ੍ਤਾવਤਾਤਿ ‘‘ਨਨ੍ਦਿਕ੍ਖਯਾ ਰਾਗਕ੍ਖਯੋ’’ਤਿ ਏਤ੍ਤਾવਤਾ। વਿਪਸ੍ਸਨਂ ਨਿਟ੍ਠਪੇਤ੍વਾ વਿਪਸ੍ਸਨਾਕਿਚ੍ਚਸ੍ਸ ਪਰਿਯੋਸਾਨੇਨ। ਰਾਗਕ੍ਖਯਾਤਿ વੁਟ੍ਠਾਨਗਾਮਿਨਿਪਰਿਯੋਸਾਨਾਯ વਿਪਸ੍ਸਨਾਯ ਰਾਗਸ੍ਸ ਖੇਪਿਤਤ੍ਤਾ। ਅਨਨ੍ਤਰਂ ਉਪ੍ਪਨ੍ਨੇਨ ਅਰਿਯਮਗ੍ਗੇਨ ਸਮੁਚ੍ਛੇਦવਸੇਨ ਨਨ੍ਦਿਕ੍ਖਯੋਤਿ। ਤੇਨਾਹ ‘‘ਇਧ ਮਗ੍ਗਂ ਦਸ੍ਸੇਤ੍વਾ’’ਤਿ। ਅਨਨ੍ਤਰਂ ਪਨ ਉਪ੍ਪਨ੍ਨੇਨ ਅਰਿਯਫਲੇਨ ਪਟਿਪਸ੍ਸਦ੍ਧਿવਸੇਨ ਨਨ੍ਦਿਰਾਗਕ੍ਖਯਾ ਸਬ੍ਬਂ ਸਂਕਿਲੇਸਤੋ ਚਿਤ੍ਤਂ વਿਮੁਚ੍ਚਤੀਤਿ। ਤੇਨਾਹ ‘‘ਫਲਂ ਦਸ੍ਸਿਤ’’ਨ੍ਤਿ।
51-52.Navamadasamesūti suttadvayaṃ saheva uddhaṭaṃ, dvīsupi atthavaṇṇanāya sarikkhabhāvato. Nandanaṭṭhena nandī, rañjanaṭṭhena rāgo. Satipi saddatthato bhede ‘‘imesaṃ atthato ninnānākaraṇatāyā’’ti vatvāpi pahāyakadhammabhedena pana labbhateva bhedamattāti dassetuṃ ‘‘nibbidānupassanāya vā’’tiādi vuttaṃ. Virajjanto rāgaṃ pajahatīti sambandho. Ettāvatāti ‘‘nandikkhayā rāgakkhayo’’ti ettāvatā. Vipassanaṃ niṭṭhapetvā vipassanākiccassa pariyosānena. Rāgakkhayāti vuṭṭhānagāminipariyosānāya vipassanāya rāgassa khepitattā. Anantaraṃ uppannena ariyamaggena samucchedavasena nandikkhayoti. Tenāha ‘‘idha maggaṃ dassetvā’’ti. Anantaraṃ pana uppannena ariyaphalena paṭipassaddhivasena nandirāgakkhayā sabbaṃ saṃkilesato cittaṃ vimuccatīti. Tenāha ‘‘phalaṃ dassita’’nti.
ਨਨ੍ਦਿਕ੍ਖਯਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Nandikkhayasuttādivaṇṇanā niṭṭhitā.
ਅਤ੍ਤਦੀਪવਗ੍ਗવਣ੍ਣਨਾ ਨਿਟ੍ਠਿਤਾ।
Attadīpavaggavaṇṇanā niṭṭhitā.
ਮੂਲਪਣ੍ਣਾਸਕੋ ਸਮਤ੍ਤੋ।
Mūlapaṇṇāsako samatto.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੯. ਨਨ੍ਦਿਕ੍ਖਯਸੁਤ੍ਤਂ • 9. Nandikkhayasuttaṃ
੧੦. ਦੁਤਿਯਨਨ੍ਦਿਕ੍ਖਯਸੁਤ੍ਤਂ • 10. Dutiyanandikkhayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯-੧੦. ਨਨ੍ਦਿਕ੍ਖਯਸੁਤ੍ਤਾਦਿવਣ੍ਣਨਾ • 9-10. Nandikkhayasuttādivaṇṇanā
