| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਦੁਤਿਯਨਨ੍ਦਿਕ੍ਖਯਸੁਤ੍ਤਂ
10. Dutiyanandikkhayasuttaṃ
੫੨. ਸਾવਤ੍ਥਿਨਿਦਾਨਂ । ‘‘ਰੂਪਂ , ਭਿਕ੍ਖવੇ, ਯੋਨਿਸੋ ਮਨਸਿ ਕਰੋਥ, ਰੂਪਾਨਿਚ੍ਚਤਞ੍ਚ ਯਥਾਭੂਤਂ ਸਮਨੁਪਸ੍ਸਥ। ਰੂਪਂ, ਭਿਕ੍ਖવੇ, ਭਿਕ੍ਖੁ ਯੋਨਿਸੋ ਮਨਸਿ ਕਰੋਨ੍ਤੋ, ਰੂਪਾਨਿਚ੍ਚਤਞ੍ਚ ਯਥਾਭੂਤਂ ਸਮਨੁਪਸ੍ਸਨ੍ਤੋ ਰੂਪਸ੍ਮਿਂ ਨਿਬ੍ਬਿਨ੍ਦਤਿ। ਨਨ੍ਦਿਕ੍ਖਯਾ ਰਾਗਕ੍ਖਯੋ, ਰਾਗਕ੍ਖਯਾ ਨਨ੍ਦਿਕ੍ਖਯੋ। ਨਨ੍ਦਿਰਾਗਕ੍ਖਯਾ ਚਿਤ੍ਤਂ વਿਮੁਤ੍ਤਂ ਸੁવਿਮੁਤ੍ਤਨ੍ਤਿ વੁਚ੍ਚਤਿ। વੇਦਨਂ, ਭਿਕ੍ਖવੇ, ਯੋਨਿਸੋ ਮਨਸਿ ਕਰੋਥ, વੇਦਨਾਨਿਚ੍ਚਤਞ੍ਚ ਯਥਾਭੂਤਂ ਸਮਨੁਪਸ੍ਸਥ। વੇਦਨਂ, ਭਿਕ੍ਖવੇ, ਭਿਕ੍ਖੁ ਯੋਨਿਸੋ ਮਨਸਿ ਕਰੋਨ੍ਤੋ, વੇਦਨਾਨਿਚ੍ਚਤਞ੍ਚ ਯਥਾਭੂਤਂ ਸਮਨੁਪਸ੍ਸਨ੍ਤੋ વੇਦਨਾਯ ਨਿਬ੍ਬਿਨ੍ਦਤਿ। ਨਨ੍ਦਿਕ੍ਖਯਾ ਰਾਗਕ੍ਖਯੋ, ਰਾਗਕ੍ਖਯਾ ਨਨ੍ਦਿਕ੍ਖਯੋ। ਨਨ੍ਦਿਰਾਗਕ੍ਖਯਾ ਚਿਤ੍ਤਂ વਿਮੁਤ੍ਤਂ ਸੁવਿਮੁਤ੍ਤਨ੍ਤਿ વੁਚ੍ਚਤਿ। ਸਞ੍ਞਂ ਭਿਕ੍ਖવੇ… ਸਙ੍ਖਾਰੇ, ਭਿਕ੍ਖવੇ, ਯੋਨਿਸੋ ਮਨਸਿ ਕਰੋਥ, ਸਙ੍ਖਾਰਾਨਿਚ੍ਚਤਞ੍ਚ ਯਥਾਭੂਤਂ ਸਮਨੁਪਸ੍ਸਥ। ਸਙ੍ਖਾਰੇ, ਭਿਕ੍ਖવੇ , ਭਿਕ੍ਖੁ ਯੋਨਿਸੋ ਮਨਸਿ ਕਰੋਨ੍ਤੋ, ਸਙ੍ਖਾਰਾਨਿਚ੍ਚਤਂ ਯਥਾਭੂਤਂ ਸਮਨੁਪਸ੍ਸਨ੍ਤੋ ਸਙ੍ਖਾਰੇਸੁ ਨਿਬ੍ਬਿਨ੍ਦਤਿ। ਨਨ੍ਦਿਕ੍ਖਯਾ ਰਾਗਕ੍ਖਯੋ, ਰਾਗਕ੍ਖਯਾ ਨਨ੍ਦਿਕ੍ਖਯੋ। ਨਨ੍ਦਿਰਾਗਕ੍ਖਯਾ ਚਿਤ੍ਤਂ વਿਮੁਤ੍ਤਂ ਸੁવਿਮੁਤ੍ਤਨ੍ਤਿ વੁਚ੍ਚਤਿ। વਿਞ੍ਞਾਣਂ, ਭਿਕ੍ਖવੇ, ਯੋਨਿਸੋ ਮਨਸਿ ਕਰੋਥ, વਿਞ੍ਞਾਣਾਨਿਚ੍ਚਤਞ੍ਚ ਯਥਾਭੂਤਂ ਸਮਨੁਪਸ੍ਸਥ। વਿਞ੍ਞਾਣਂ, ਭਿਕ੍ਖવੇ, ਭਿਕ੍ਖੁ ਯੋਨਿਸੋ ਮਨਸਿ ਕਰੋਨ੍ਤੋ, વਿਞ੍ਞਾਣਾਨਿਚ੍ਚਤਞ੍ਚ ਯਥਾਭੂਤਂ ਸਮਨੁਪਸ੍ਸਨ੍ਤੋ વਿਞ੍ਞਾਣਸ੍ਮਿਂ ਨਿਬ੍ਬਿਨ੍ਦਤਿ। ਨਨ੍ਦਿਕ੍ਖਯਾ ਰਾਗਕ੍ਖਯੋ, ਰਾਗਕ੍ਖਯਾ ਨਨ੍ਦਿਕ੍ਖਯੋ। ਨਨ੍ਦਿਰਾਗਕ੍ਖਯਾ ਚਿਤ੍ਤਂ વਿਮੁਤ੍ਤਂ ਸੁવਿਮੁਤ੍ਤਨ੍ਤਿ વੁਚ੍ਚਤੀ’’ਤਿ। ਦਸਮਂ।
52. Sāvatthinidānaṃ . ‘‘Rūpaṃ , bhikkhave, yoniso manasi karotha, rūpāniccatañca yathābhūtaṃ samanupassatha. Rūpaṃ, bhikkhave, bhikkhu yoniso manasi karonto, rūpāniccatañca yathābhūtaṃ samanupassanto rūpasmiṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Vedanaṃ, bhikkhave, yoniso manasi karotha, vedanāniccatañca yathābhūtaṃ samanupassatha. Vedanaṃ, bhikkhave, bhikkhu yoniso manasi karonto, vedanāniccatañca yathābhūtaṃ samanupassanto vedanāya nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Saññaṃ bhikkhave… saṅkhāre, bhikkhave, yoniso manasi karotha, saṅkhārāniccatañca yathābhūtaṃ samanupassatha. Saṅkhāre, bhikkhave , bhikkhu yoniso manasi karonto, saṅkhārāniccataṃ yathābhūtaṃ samanupassanto saṅkhāresu nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Viññāṇaṃ, bhikkhave, yoniso manasi karotha, viññāṇāniccatañca yathābhūtaṃ samanupassatha. Viññāṇaṃ, bhikkhave, bhikkhu yoniso manasi karonto, viññāṇāniccatañca yathābhūtaṃ samanupassanto viññāṇasmiṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccatī’’ti. Dasamaṃ.
ਅਤ੍ਤਦੀਪવਗ੍ਗੋ ਪਞ੍ਚਮੋ।
Attadīpavaggo pañcamo.
ਤਸ੍ਸੁਦ੍ਦਾਨਂ –
Tassuddānaṃ –
ਅਤ੍ਤਦੀਪਾ ਪਟਿਪਦਾ, ਦ੍વੇ ਚ ਹੋਨ੍ਤਿ ਅਨਿਚ੍ਚਤਾ।
Attadīpā paṭipadā, dve ca honti aniccatā;
ਸਮਨੁਪਸ੍ਸਨਾ ਖਨ੍ਧਾ, ਦ੍વੇ ਸੋਣਾ ਦ੍વੇ ਨਨ੍ਦਿਕ੍ਖਯੇਨ ਚਾਤਿ॥
Samanupassanā khandhā, dve soṇā dve nandikkhayena cāti.
ਮੂਲਪਣ੍ਣਾਸਕੋ ਸਮਤ੍ਤੋ।
Mūlapaṇṇāsako samatto.
ਤਸ੍ਸ ਮੂਲਪਣ੍ਣਾਸਕਸ੍ਸ વਗ੍ਗੁਦ੍ਦਾਨਂ –
Tassa mūlapaṇṇāsakassa vagguddānaṃ –
ਨਕੁਲਪਿਤਾ ਅਨਿਚ੍ਚੋ ਚ, ਭਾਰੋ ਨਤੁਮ੍ਹਾਕੇਨ ਚ।
Nakulapitā anicco ca, bhāro natumhākena ca;
ਅਤ੍ਤਦੀਪੇਨ ਪਞ੍ਞਾਸੋ, ਪਠਮੋ ਤੇਨ ਪવੁਚ੍ਚਤੀਤਿ॥
Attadīpena paññāso, paṭhamo tena pavuccatīti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯-੧੦. ਨਨ੍ਦਿਕ੍ਖਯਸੁਤ੍ਤਾਦਿવਣ੍ਣਨਾ • 9-10. Nandikkhayasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯-੧੦. ਨਨ੍ਦਿਕ੍ਖਯਸੁਤ੍ਤਾਦਿવਣ੍ਣਨਾ • 9-10. Nandikkhayasuttādivaṇṇanā
