| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. នន្ទត្ថេរអបទានំ
3. Nandattheraapadānaṃ
២៧.
27.
‘‘បទុមុត្តរស្ស ភគវតោ, លោកជេដ្ឋស្ស តាទិនោ;
‘‘Padumuttarassa bhagavato, lokajeṭṭhassa tādino;
វត្ថំ ខោមំ មយា ទិន្នំ, សយម្ភុស្ស មហេសិនោ។
Vatthaṃ khomaṃ mayā dinnaṃ, sayambhussa mahesino.
២៨.
28.
‘‘តំ មេ ពុទ្ធោ វិយាកាសិ, ជលជុត្តរនាមកោ;
‘‘Taṃ me buddho viyākāsi, jalajuttaranāmako;
‘ឥមិនា វត្ថទានេន, ហេមវណ្ណោ ភវិស្សសិ។
‘Iminā vatthadānena, hemavaṇṇo bhavissasi.
២៩.
29.
‘‘‘ទ្វេ សម្បត្តី អនុភោត្វា, កុសលមូលេហិ ចោទិតោ;
‘‘‘Dve sampattī anubhotvā, kusalamūlehi codito;
គោតមស្ស ភគវតោ, កនិដ្ឋោ ត្វំ ភវិស្សសិ។
Gotamassa bhagavato, kaniṭṭho tvaṃ bhavissasi.
៣០.
30.
‘‘‘រាគរត្តោ សុខសីលោ, កាមេសុ គេធមាយុតោ;
‘‘‘Rāgaratto sukhasīlo, kāmesu gedhamāyuto;
៣១.
31.
‘‘‘បព្ពជិត្វាន ត្វំ តត្ថ, កុសលមូលេន ចោទិតោ;
‘‘‘Pabbajitvāna tvaṃ tattha, kusalamūlena codito;
សព្ពាសវេ បរិញ្ញាយ, និព្ពាយិស្សសិនាសវោ’។
Sabbāsave pariññāya, nibbāyissasināsavo’.
៣២.
32.
សដ្ឋិ កប្បសហស្សម្ហិ, ឧបចេលា ចតុជ្ជនា។
Saṭṭhi kappasahassamhi, upacelā catujjanā.
៣៣.
33.
‘‘បញ្ច កប្បសហស្សម្ហិ, ចេឡាវ ចតុរោ ជនា;
‘‘Pañca kappasahassamhi, ceḷāva caturo janā;
សត្តរតនសម្បន្នា, ចតុទីបម្ហិ ឥស្សរា។
Sattaratanasampannā, catudīpamhi issarā.
៣៤.
34.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា នន្ទោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā nando thero imā gāthāyo abhāsitthāti.
នន្ទត្ថេរស្សាបទានំ តតិយំ។
Nandattherassāpadānaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៣. នន្ទត្ថេរអបទានវណ្ណនា • 3. Nandattheraapadānavaṇṇanā
