| Library / Tipiṭaka / તિપિટક • Tipiṭaka / વિમાનવત્થુપાળિ • Vimānavatthupāḷi |
૨. નન્દનવિમાનવત્થુ
2. Nandanavimānavatthu
૧૧૨૦.
1120.
‘‘યથા વનં નન્દનં 1 પભાસતિ, ઉય્યાનસેટ્ઠં તિદસાનમુત્તમં;
‘‘Yathā vanaṃ nandanaṃ 2 pabhāsati, uyyānaseṭṭhaṃ tidasānamuttamaṃ;
તથૂપમં તુય્હમિદં વિમાનં, ઓભાસયં તિટ્ઠતિ અન્તલિક્ખે.
Tathūpamaṃ tuyhamidaṃ vimānaṃ, obhāsayaṃ tiṭṭhati antalikkhe.
૧૧૨૧.
1121.
‘‘દેવિદ્ધિપત્તોસિ મહાનુભાવો, મનુસ્સભૂતો કિમકાસિ પુઞ્ઞં;
‘‘Deviddhipattosi mahānubhāvo, manussabhūto kimakāsi puññaṃ;
કેનાસિ એવં જલિતાનુભાવો, વણ્ણો ચ તે સબ્બદિસા પભાસતી’’તિ.
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
૧૧૨૨.
1122.
સો દેવપુત્તો અત્તમનો…પે॰… યસ્સ કમ્મસ્સિદં ફલં.
So devaputto attamano…pe… yassa kammassidaṃ phalaṃ.
૧૧૨૩.
1123.
‘‘અહં મનુસ્સેસુ મનુસ્સભૂતો, દલિદ્દો અતાણો કપણો કમ્મકરો અહોસિં;
‘‘Ahaṃ manussesu manussabhūto, daliddo atāṇo kapaṇo kammakaro ahosiṃ;
જિણ્ણે ચ માતાપિતરો અભારિં, પિયા ચ મે સીલવન્તો અહેસું;
Jiṇṇe ca mātāpitaro abhāriṃ, piyā ca me sīlavanto ahesuṃ;
અન્નઞ્ચ પાનઞ્ચ પસન્નચિત્તો, સક્કચ્ચ દાનં વિપુલં અદાસિં.
Annañca pānañca pasannacitto, sakkacca dānaṃ vipulaṃ adāsiṃ.
૧૧૨૪.
1124.
‘‘તેન મેતાદિસો વણ્ણો…પે॰… વણ્ણો ચ મે સબ્બદિસા પભાસતી’’તિ.
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
નન્દનવિમાનં દુતિયં.
Nandanavimānaṃ dutiyaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / વિમાનવત્થુ-અટ્ઠકથા • Vimānavatthu-aṭṭhakathā / ૨. નન્દનવિમાનવણ્ણના • 2. Nandanavimānavaṇṇanā
