| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༥. ཉཱཎཾ ཙིཏྟཝིཔྤཡུཏྟནྟིཀཐཱཝཎྞནཱ
5. Ñāṇaṃ cittavippayuttantikathāvaṇṇanā
༦༡༦-༦༡༧. ཨིདཱནི ཉཱཎཾ ཙིཏྟཝིཔྤཡུཏྟནྟིཀཐཱ ནཱམ ཧོཏི། ཏཏྠ ཡསྨཱ ཨརཧཱ ཙཀྑུཝིཉྙཱཎཱདིསམངྒཱི པཊིལདྡྷཾ མགྒཉཱཎཾ སནྡྷཱཡ ‘‘ཉཱཎཱི’’ཏི ཝུཙྩཏི, ན ཙསྶ ཏཾ ཏེན ཙིཏྟེན སམྤཡུཏྟཾ, ཏསྨཱ ‘‘ཉཱཎཾ ཙིཏྟཝིཔྤཡུཏྟ’’ནྟི ཡེསཾ ལདྡྷི, སེཡྻཐཱཔི པུབྦསེལིཡཱནཾ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ‘‘ཡདི ཏེ ཉཱཎཾ ཙིཏྟཝིཔྤཡུཏྟཾ ཙིཏྟཝིཔྤཡུཏྟེསུ རཱུཔཱདཱིསུ ཨཉྙཏརཾ སིཡཱ’’ཏི ཙོདེཏུཾ རཱུཔནྟིཨཱདིམཱཧ། ཨིཏརོ པཊིཀྑིཔཏི། སེསཾ ཧེཊྛཱ ཝུཏྟནཡམེཝ། པརིཡོསཱནེ པན པཉྙཝཱཏི པུཊྛོ པཊིལཱབྷཝསེན ཏཾ པཝཏྟིཾ ཨིཙྪཏི, ཏསྨཱ པཊིཛཱནཱཏཱིཏི།
616-617. Idāni ñāṇaṃ cittavippayuttantikathā nāma hoti. Tattha yasmā arahā cakkhuviññāṇādisamaṅgī paṭiladdhaṃ maggañāṇaṃ sandhāya ‘‘ñāṇī’’ti vuccati, na cassa taṃ tena cittena sampayuttaṃ, tasmā ‘‘ñāṇaṃ cittavippayutta’’nti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Atha naṃ ‘‘yadi te ñāṇaṃ cittavippayuttaṃ cittavippayuttesu rūpādīsu aññataraṃ siyā’’ti codetuṃ rūpantiādimāha. Itaro paṭikkhipati. Sesaṃ heṭṭhā vuttanayameva. Pariyosāne pana paññavāti puṭṭho paṭilābhavasena taṃ pavattiṃ icchati, tasmā paṭijānātīti.
ཉཱཎཾ ཙིཏྟཝིཔྤཡུཏྟནྟིཀཐཱཝཎྞནཱ།
Ñāṇaṃ cittavippayuttantikathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༡༠) ༥. ཉཱཎཾ ཙིཏྟཝིཔྤཡུཏྟནྟིཀཐཱ • (110) 5. Ñāṇaṃ cittavippayuttantikathā
