| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༡. ཨེཀཱདསམཝགྒོ
11. Ekādasamavaggo
(༡༡༠) ༥. ཉཱཎཾ ཙིཏྟཝིཔྤཡུཏྟནྟིཀཐཱ
(110) 5. Ñāṇaṃ cittavippayuttantikathā
༦༡༦. ཉཱཎཾ ཙིཏྟཝིཔྤཡུཏྟནྟི? ཨཱམནྟཱ། རཱུཔཾ ནིབྦཱནཾ ཙཀྑཱཡཏནཾ…པེ॰… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ॰… ཉཱཎཾ ཙིཏྟཝིཔྤཡུཏྟནྟི? ཨཱམནྟཱ། པཉྙཱ པཉྙིནྡྲིཡཾ པཉྙཱབལཾ སམྨཱདིཊྛི དྷམྨཝིཙཡསམྦོཛ྄ཛྷངྒོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ॰… པཉྙཱ པཉྙིནྡྲིཡཾ པཉྙཱབལཾ སམྨཱདིཊྛི དྷམྨཝིཙཡསམྦོཛ྄ཛྷངྒོ ཙིཏྟསམྤཡུཏྟོཏི? ཨཱམནྟཱ། ཉཱཎཾ ཙིཏྟསམྤཡུཏྟནྟི? ན ཧེཝཾ ཝཏྟབྦེ…པེ॰…།
616. Ñāṇaṃ cittavippayuttanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… ñāṇaṃ cittavippayuttanti? Āmantā. Paññā paññindriyaṃ paññābalaṃ sammādiṭṭhi dhammavicayasambojjhaṅgo cittavippayuttoti? Na hevaṃ vattabbe…pe… paññā paññindriyaṃ paññābalaṃ sammādiṭṭhi dhammavicayasambojjhaṅgo cittasampayuttoti? Āmantā. Ñāṇaṃ cittasampayuttanti? Na hevaṃ vattabbe…pe….
ཉཱཎཾ ཙིཏྟཝིཔྤཡུཏྟནྟི? ཨཱམནྟཱ། ཀཏམཀྑནྡྷཔརིཡཱཔནྣནྟི ? སངྑཱརཀྑནྡྷཔརིཡཱཔནྣནྟི། སངྑཱརཀྑནྡྷོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ॰… སངྑཱརཀྑནྡྷོ ཙིཏྟཝིཔྤཡུཏྟོཏི? ཨཱམནྟཱ། ཝེདནཱཀྑནྡྷོ སཉྙཱཀྑནྡྷོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ॰… ཉཱཎཾ སངྑཱརཀྑནྡྷཔརིཡཱཔནྣཾ ཙིཏྟཝིཔྤཡུཏྟནྟི? ཨཱམནྟཱ། པཉྙཱ སངྑཱརཀྑནྡྷཔརིཡཱཔནྣཱ ཙིཏྟཝིཔྤཡུཏྟཱཏི? ན ཧེཝཾ ཝཏྟབྦེ…པེ॰… པཉྙཱ སངྑཱརཀྑནྡྷཔརིཡཱཔནྣཱ ཙིཏྟསམྤཡུཏྟཱཏི? ཨཱམནྟཱ། ཉཱཎཾ སངྑཱརཀྑནྡྷཔརིཡཱཔནྣཾ ཙིཏྟསམྤཡུཏྟནྟི? ན ཧེཝཾ ཝཏྟབྦེ…པེ॰… ཉཱཎཾ སངྑཱརཀྑནྡྷཔརིཡཱཔནྣཾ ཙིཏྟཝིཔྤཡུཏྟཾ, པཉྙཱ སངྑཱརཀྑནྡྷཔརིཡཱཔནྣཱ ཙིཏྟསམྤཡུཏྟཱཏི? ཨཱམནྟཱ། སངྑཱརཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ॰… སངྑཱརཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ཨཱམནྟཱ། ཝེདནཱཀྑནྡྷོ སཉྙཱཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ॰…།
Ñāṇaṃ cittavippayuttanti? Āmantā. Katamakkhandhapariyāpannanti ? Saṅkhārakkhandhapariyāpannanti. Saṅkhārakkhandho cittavippayuttoti? Na hevaṃ vattabbe…pe… saṅkhārakkhandho cittavippayuttoti? Āmantā. Vedanākkhandho saññākkhandho cittavippayuttoti? Na hevaṃ vattabbe…pe… ñāṇaṃ saṅkhārakkhandhapariyāpannaṃ cittavippayuttanti? Āmantā. Paññā saṅkhārakkhandhapariyāpannā cittavippayuttāti? Na hevaṃ vattabbe…pe… paññā saṅkhārakkhandhapariyāpannā cittasampayuttāti? Āmantā. Ñāṇaṃ saṅkhārakkhandhapariyāpannaṃ cittasampayuttanti? Na hevaṃ vattabbe…pe… ñāṇaṃ saṅkhārakkhandhapariyāpannaṃ cittavippayuttaṃ, paññā saṅkhārakkhandhapariyāpannā cittasampayuttāti? Āmantā. Saṅkhārakkhandho ekadeso cittasampayutto ekadeso cittavippayuttoti? Na hevaṃ vattabbe…pe… saṅkhārakkhandho ekadeso cittasampayutto ekadeso cittavippayuttoti? Āmantā. Vedanākkhandho saññākkhandho ekadeso cittasampayutto ekadeso cittavippayuttoti? Na hevaṃ vattabbe…pe….
༦༡༧. ན ཝཏྟབྦཾ – ‘‘ཉཱཎཾ ཙིཏྟཝིཔྤཡུཏྟ’’ནྟི? ཨཱམནྟཱ། ཨརཧཱ ཙཀྑུཝིཉྙཱཎསམངྒཱི ‘‘ཉཱཎཱི’’ཏི ཝཏྟབྦོཏི? ཨཱམནྟཱ། ཉཱཎཾ ཏེན ཙིཏྟེན སམྤཡུཏྟནྟི? ན ཧེཝཾ ཝཏྟབྦེ། ཏེན ཧི ཉཱཎཾ ཙིཏྟཝིཔྤཡུཏྟནྟི།
617. Na vattabbaṃ – ‘‘ñāṇaṃ cittavippayutta’’nti? Āmantā. Arahā cakkhuviññāṇasamaṅgī ‘‘ñāṇī’’ti vattabboti? Āmantā. Ñāṇaṃ tena cittena sampayuttanti? Na hevaṃ vattabbe. Tena hi ñāṇaṃ cittavippayuttanti.
ཨརཧཱ ཙཀྑུཝིཉྙཱཎསམངྒཱི ‘‘པཉྙཝཱ’’ཏི ཝཏྟབྦོཏི 1? ཨཱམནྟཱ། པཉྙཱ ཏེན ཙིཏྟེན སམྤཡུཏྟཱཏི? ན ཧེཝཾ ཝཏྟབྦེ། ཏེན ཧི པཉྙཱ ཙིཏྟཝིཔྤཡུཏྟཱཏི།
Arahā cakkhuviññāṇasamaṅgī ‘‘paññavā’’ti vattabboti 2? Āmantā. Paññā tena cittena sampayuttāti? Na hevaṃ vattabbe. Tena hi paññā cittavippayuttāti.
ཉཱཎཾ ཙིཏྟཝིཔྤཡུཏྟནྟིཀཐཱ ནིཊྛིཏཱ།
Ñāṇaṃ cittavippayuttantikathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༥. ཉཱཎཾ ཙིཏྟཝིཔྤཡུཏྟནྟིཀཐཱཝཎྞནཱ • 5. Ñāṇaṃ cittavippayuttantikathāvaṇṇanā
