| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
১৬. নানাধম্মানং এককিচ্চঅভিনিপ্ফাদনপঞ্হো
16. Nānādhammānaṃ ekakiccaabhinipphādanapañho
১৬. রাজা আহ ‘‘ভন্তে নাগসেন, ইমে ধম্মা নানা সন্তা একং অত্থং অভিনিপ্ফাদেন্তী’’তি? ‘‘আম, মহারাজ, ইমে ধম্মা নানা সন্তা একং অত্থং অভিনিপ্ফাদেন্তি, কিলেসে হনন্তী’’তি।
16. Rājā āha ‘‘bhante nāgasena, ime dhammā nānā santā ekaṃ atthaṃ abhinipphādentī’’ti? ‘‘Āma, mahārāja, ime dhammā nānā santā ekaṃ atthaṃ abhinipphādenti, kilese hanantī’’ti.
‘‘কথং, ভন্তে, ইমে ধম্মা নানা সন্তা একং অত্থং অভিনিপ্ফাদেন্তি, কিলেসে হনন্তি? ওপম্মং করোহী’’তি। ‘‘যথা, মহারাজ, সেনা নানা সন্তা হত্থী চ অস্সা চ রথা চ পত্তী চ একং অত্থং অভিনিপ্ফাদেন্তি, সঙ্গামে পরসেনং অভিৰিজিনন্তি। এৰমেৰ খো, মহারাজ, ইমে ধম্মা নানা সন্তা একং অত্থং অভিনিপ্ফাদেন্তি, কিলেসে হনন্তী’’তি।
‘‘Kathaṃ, bhante, ime dhammā nānā santā ekaṃ atthaṃ abhinipphādenti, kilese hananti? Opammaṃ karohī’’ti. ‘‘Yathā, mahārāja, senā nānā santā hatthī ca assā ca rathā ca pattī ca ekaṃ atthaṃ abhinipphādenti, saṅgāme parasenaṃ abhivijinanti. Evameva kho, mahārāja, ime dhammā nānā santā ekaṃ atthaṃ abhinipphādenti, kilese hanantī’’ti.
‘‘কল্লোসি, ভন্তে নাগসেনা’’তি।
‘‘Kallosi, bhante nāgasenā’’ti.
নানাধম্মানং এককিচ্চঅভিনিপ্ফাদনপঞ্হো সোল়সমো।
Nānādhammānaṃ ekakiccaabhinipphādanapañho soḷasamo.
মহাৰগ্গো পঠমো।
Mahāvaggo paṭhamo.
ইমস্মিং ৰগ্গে সোল়স পঞ্হা।
Imasmiṃ vagge soḷasa pañhā.
