| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
৫. নকুলঙ্গপঞ্হো
5. Nakulaṅgapañho
৫. ‘‘ভন্তে নাগসেন, ‘নকুলস্স একং অঙ্গং গহেতব্ব’ন্তি যং ৰদেসি, কতমং তং একং অঙ্গং গহেতব্ব’’ন্তি? ‘‘যথা, মহারাজ, নকুলো উরগমুপগচ্ছন্তো ভেসজ্জেন কাযং পরিভাৰেত্ৰা উরগমুপগচ্ছতি গহেতুং, এৰমেৰ খো, মহারাজ, যোগিনা যোগাৰচরেন কোধাঘাতবহুলং কলহৰিগ্গহৰিৰাদৰিরোধাভিভূতং লোকমুপগচ্ছন্তেন মেত্তাভেসজ্জেন মানসং অনুলিম্পিতব্বং। ইদং, মহারাজ, নকুলস্স একং অঙ্গং গহেতব্বং। ভাসিতম্পেতং, মহারাজ, থেরেন সারিপুত্তেন ধম্মসেনাপতিনা –
5. ‘‘Bhante nāgasena, ‘nakulassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, nakulo uragamupagacchanto bhesajjena kāyaṃ paribhāvetvā uragamupagacchati gahetuṃ, evameva kho, mahārāja, yoginā yogāvacarena kodhāghātabahulaṃ kalahaviggahavivādavirodhābhibhūtaṃ lokamupagacchantena mettābhesajjena mānasaṃ anulimpitabbaṃ. Idaṃ, mahārāja, nakulassa ekaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘তস্মা সকং পরেসম্পি, কাতব্বা মেত্তভাৰনা।
‘‘‘Tasmā sakaṃ paresampi, kātabbā mettabhāvanā;
মেত্তচিত্তেন ফরিতব্বং, এতং বুদ্ধান সাসন’’’ন্তি॥
Mettacittena pharitabbaṃ, etaṃ buddhāna sāsana’’’nti.
নকুলঙ্গপঞ্হো পঞ্চমো।
Nakulaṅgapañho pañcamo.
