| Library / Tipiṭaka / തിപിടക • Tipiṭaka / ഖുദ്ദസിക്ഖാ-മൂലസിക്ഖാ • Khuddasikkhā-mūlasikkhā |
൧൮. നഗ്ഗനിദ്ദേസവണ്ണനാ
18. Nagganiddesavaṇṇanā
൧൬൬. ‘‘ന ത്വേവ നഗ്ഗേന ആഗന്തബ്ബം, യോ ആഗച്ഛേയ്യ, ആപത്തി ദുക്കടസ്സാ’’തി (പാരാ॰ ൫൧൭) വുത്തത്താ (ചൂളവ॰ ൨൬൧;) ‘‘നഗ്ഗോ മഗ്ഗം ന വജേ’’തി വുത്തം.
166. ‘‘Na tveva naggena āgantabbaṃ, yo āgaccheyya, āpatti dukkaṭassā’’ti (pārā. 517) vuttattā (cūḷava. 261;) ‘‘naggo maggaṃ na vaje’’ti vuttaṃ.
൧൬൭. പടിച്ഛാദിസൂതി ‘‘തേന ഖോ പന സമയേന ഭിക്ഖൂ ജന്താഘരേപി ഉദകേപി പരികമ്മം കാതും കുക്കുച്ചായന്തി. അനുജാനാമി, ഭിക്ഖവേ, തിസ്സോ പടിച്ഛാദിയോ ജന്താഘരപ്പടിച്ഛാദിം ഉദകപ്പടിച്ഛാദിം വത്ഥപ്പടിച്ഛാദി’’ന്തി ഏവം വുത്താസു തീസു പടിച്ഛാദീസൂതി അത്ഥോ. ദുവേതി ഏതാസു തീസു പടിച്ഛാദീസു ഉദകജന്താഘരപ്പടിച്ഛാദിയോ പരികമ്മേ കപ്പന്തീതി അധിപ്പായോ. വത്ഥച്ഛാദീതി വത്ഥപ്പടിച്ഛാദി. സബ്ബത്ഥാതി ഖാദനീയസായനീയാദീസു സബ്ബകമ്മേസു കപ്പിയാതി അത്ഥോ. നഗ്ഗവിനിച്ഛയോ.
167.Paṭicchādisūti ‘‘tena kho pana samayena bhikkhū jantāgharepi udakepi parikammaṃ kātuṃ kukkuccāyanti. Anujānāmi, bhikkhave, tisso paṭicchādiyo jantāgharappaṭicchādiṃ udakappaṭicchādiṃ vatthappaṭicchādi’’nti evaṃ vuttāsu tīsu paṭicchādīsūti attho. Duveti etāsu tīsu paṭicchādīsu udakajantāgharappaṭicchādiyo parikamme kappantīti adhippāyo. Vatthacchādīti vatthappaṭicchādi. Sabbatthāti khādanīyasāyanīyādīsu sabbakammesu kappiyāti attho. Naggavinicchayo.
നഗ്ഗനിദ്ദേസവണ്ണനാ നിട്ഠിതാ.
Nagganiddesavaṇṇanā niṭṭhitā.
