| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
18. නග්ගනිද්දෙසවණ්ණනා
18. Nagganiddesavaṇṇanā
166. ‘‘වජෙ’’තිආදීසු න-සද්දො සම්බන්ධිතබ්බො. තත්ථ පන යථානුරූපභොජනාදිකං කම්මවචනං අජ්ඣාහරිත්වා ‘‘භොජනං න භුඤ්ජෙ’’තිආදිනා අත්ථො වෙදිතබ්බො.
166.‘‘Vaje’’tiādīsu na-saddo sambandhitabbo. Tattha pana yathānurūpabhojanādikaṃ kammavacanaṃ ajjhāharitvā ‘‘bhojanaṃ na bhuñje’’tiādinā attho veditabbo.
167. න කරෙති හත්ථකම්මාදිකං පරිකම්මං සයම්පි න කරෙය්යාති අත්ථො. පටිච්ඡාදීසූති නිද්ධාරණෙ භුම්මං, ජන්තාඝරුදකවත්ථප්පටිච්ඡාදීනං මජ්ඣෙති අත්ථො. පරිකම්මෙ දුවෙ කප්පියාති සම්බන්ධො. පරිකම්මෙති ජන්තාඝරෙ උදකෙපි උපජ්ඣායාදීනං කත්තබ්බපරිකම්මවිසයෙ, න අභිවාදනාදීසු. දුවෙති ජන්තාඝරඋදකප්පටිච්ඡාදයො. ඡාදෙන්ති එතායාති ඡාදි, වත්ථස්ස ඡාදි වත්ථච්ඡාදි. සබ්බත්ථාති සබ්බකම්මෙසූති.
167.Nakareti hatthakammādikaṃ parikammaṃ sayampi na kareyyāti attho. Paṭicchādīsūti niddhāraṇe bhummaṃ, jantāgharudakavatthappaṭicchādīnaṃ majjheti attho. Parikamme duve kappiyāti sambandho. Parikammeti jantāghare udakepi upajjhāyādīnaṃ kattabbaparikammavisaye, na abhivādanādīsu. Duveti jantāgharaudakappaṭicchādayo. Chādenti etāyāti chādi, vatthassa chādi vatthacchādi. Sabbatthāti sabbakammesūti.
නග්ගනිද්දෙසවණ්ණනා නිට්ඨිතා.
Nagganiddesavaṇṇanā niṭṭhitā.
