| Library / Tipiṭaka / તિપિટક • Tipiṭaka / ખુદ્દસિક્ખા-મૂલસિક્ખા • Khuddasikkhā-mūlasikkhā |
૧૮. નગ્ગનિદ્દેસવણ્ણના
18. Nagganiddesavaṇṇanā
૧૬૬. ‘‘ન ત્વેવ નગ્ગેન આગન્તબ્બં, યો આગચ્છેય્ય, આપત્તિ દુક્કટસ્સા’’તિ (પારા॰ ૫૧૭) વુત્તત્તા (ચૂળવ॰ ૨૬૧;) ‘‘નગ્ગો મગ્ગં ન વજે’’તિ વુત્તં.
166. ‘‘Na tveva naggena āgantabbaṃ, yo āgaccheyya, āpatti dukkaṭassā’’ti (pārā. 517) vuttattā (cūḷava. 261;) ‘‘naggo maggaṃ na vaje’’ti vuttaṃ.
૧૬૭. પટિચ્છાદિસૂતિ ‘‘તેન ખો પન સમયેન ભિક્ખૂ જન્તાઘરેપિ ઉદકેપિ પરિકમ્મં કાતું કુક્કુચ્ચાયન્તિ. અનુજાનામિ, ભિક્ખવે, તિસ્સો પટિચ્છાદિયો જન્તાઘરપ્પટિચ્છાદિં ઉદકપ્પટિચ્છાદિં વત્થપ્પટિચ્છાદિ’’ન્તિ એવં વુત્તાસુ તીસુ પટિચ્છાદીસૂતિ અત્થો. દુવેતિ એતાસુ તીસુ પટિચ્છાદીસુ ઉદકજન્તાઘરપ્પટિચ્છાદિયો પરિકમ્મે કપ્પન્તીતિ અધિપ્પાયો. વત્થચ્છાદીતિ વત્થપ્પટિચ્છાદિ. સબ્બત્થાતિ ખાદનીયસાયનીયાદીસુ સબ્બકમ્મેસુ કપ્પિયાતિ અત્થો. નગ્ગવિનિચ્છયો.
167.Paṭicchādisūti ‘‘tena kho pana samayena bhikkhū jantāgharepi udakepi parikammaṃ kātuṃ kukkuccāyanti. Anujānāmi, bhikkhave, tisso paṭicchādiyo jantāgharappaṭicchādiṃ udakappaṭicchādiṃ vatthappaṭicchādi’’nti evaṃ vuttāsu tīsu paṭicchādīsūti attho. Duveti etāsu tīsu paṭicchādīsu udakajantāgharappaṭicchādiyo parikamme kappantīti adhippāyo. Vatthacchādīti vatthappaṭicchādi. Sabbatthāti khādanīyasāyanīyādīsu sabbakammesu kappiyāti attho. Naggavinicchayo.
નગ્ગનિદ્દેસવણ્ણના નિટ્ઠિતા.
Nagganiddesavaṇṇanā niṭṭhitā.
