| Library / Tipiṭaka / તિપિટક • Tipiṭaka / ખુદ્દસિક્ખા-મૂલસિક્ખા • Khuddasikkhā-mūlasikkhā |
૧૯. ન્હાનકપ્પનિદ્દેસવણ્ણના
19. Nhānakappaniddesavaṇṇanā
૧૬૮. પુરતોતિ (ચૂળવ॰ ૩૭૨) થેરાનં પુરતો ઉપરિ વા ન ચ ન્હાયેય્યાતિ અત્થો.
168.Puratoti (cūḷava. 372) therānaṃ purato upari vā na ca nhāyeyyāti attho.
૧૬૯-૧૭૧. કુટ્ટત્થમ્ભતરુટ્ટાનેતિ એત્થ (ચૂળવ॰ ૨૪૩; ચૂળવ॰ અટ્ઠ॰ ૨૪૩) કુટ્ટે વા થમ્ભે વા તરુમ્હિ વા અટ્ટાનફલકે વા કાયં ન ઘંસયેતિ અત્થો. ગન્ધબ્બહત્થો નામ મક્કટહત્થસદિસો દારુઆદિમયો. કુરુવિન્દકસુત્તિયાતિ કુરુવિન્દસુત્તિયા. મલ્લકેન વા અઞ્ઞમઞ્ઞં વા. ‘‘ન ભિક્ખવે વિગ્ગય્હ પરિકમ્મં કારાપેતબ્બં. યો કારાપેય્ય, આપત્તિ દુક્કટસ્સા’’તિ (ચૂળવ॰ ૨૪૩) એવં વુત્તં વિગ્ગહપરિકમ્મં સન્ધાય ‘‘અઞ્ઞમઞ્ઞં વા’’તિ વુત્તં.
169-171.Kuṭṭatthambhataruṭṭāneti ettha (cūḷava. 243; cūḷava. aṭṭha. 243) kuṭṭe vā thambhe vā tarumhi vā aṭṭānaphalake vā kāyaṃ na ghaṃsayeti attho. Gandhabbahattho nāma makkaṭahatthasadiso dāruādimayo. Kuruvindakasuttiyāti kuruvindasuttiyā. Mallakena vā aññamaññaṃ vā. ‘‘Na bhikkhave viggayha parikammaṃ kārāpetabbaṃ. Yo kārāpeyya, āpatti dukkaṭassā’’ti (cūḷava. 243) evaṃ vuttaṃ viggahaparikammaṃ sandhāya ‘‘aññamaññaṃ vā’’ti vuttaṃ.
ઇદાનિ કપ્પિયાનિ દસ્સેતું ‘‘કપાલિટ્ઠકખણ્ડાની’’તિઆદિમાહ. સબ્બેસં વટ્ટતીતિ સમ્બન્ધો . ગિલાનસ્સપિ (ચૂળવ॰ અટ્ઠ॰ ૨૪૩) અગિલાનસ્સપિ ઇમાનિ કપાલિટ્ઠકખણ્ડાદીનિ કાયઘંસને વટ્ટન્તિ. પુથુપાણીતિ (ચૂળવ॰ ૨૪૪) હત્થપરિકમ્મં વુચ્ચતિ. તસ્મા સબ્બેસં હત્થેન પિટ્ઠિપરિકમ્મં કાતું વટ્ટતિ. અકતમલ્લકં નામ એકદાઠિમં પરિચ્છિન્દિત્વા કતં. પાસાણાદયો પાદઘંસને એવ કપ્પિયા. ન્હાનકપ્પવિનિચ્છયો.
Idāni kappiyāni dassetuṃ ‘‘kapāliṭṭhakakhaṇḍānī’’tiādimāha. Sabbesaṃ vaṭṭatīti sambandho . Gilānassapi (cūḷava. aṭṭha. 243) agilānassapi imāni kapāliṭṭhakakhaṇḍādīni kāyaghaṃsane vaṭṭanti. Puthupāṇīti (cūḷava. 244) hatthaparikammaṃ vuccati. Tasmā sabbesaṃ hatthena piṭṭhiparikammaṃ kātuṃ vaṭṭati. Akatamallakaṃ nāma ekadāṭhimaṃ paricchinditvā kataṃ. Pāsāṇādayo pādaghaṃsane eva kappiyā. Nhānakappavinicchayo.
ન્હાનકપ્પનિદ્દેસવણ્ણના નિટ્ઠિતા.
Nhānakappaniddesavaṇṇanā niṭṭhitā.
