| Library / Tipiṭaka / তিপিটক • Tipiṭaka / খুদ্দসিক্খা-মূলসিক্খা • Khuddasikkhā-mūlasikkhā |
১৮. নগ্গনিদ্দেসৰণ্ণনা
18. Nagganiddesavaṇṇanā
১৬৬. ‘‘ন ত্ৰেৰ নগ্গেন আগন্তব্বং, যো আগচ্ছেয্য, আপত্তি দুক্কটস্সা’’তি (পারা॰ ৫১৭) ৰুত্তত্তা (চূল়ৰ॰ ২৬১;) ‘‘নগ্গো মগ্গং ন ৰজে’’তি ৰুত্তং।
166. ‘‘Na tveva naggena āgantabbaṃ, yo āgaccheyya, āpatti dukkaṭassā’’ti (pārā. 517) vuttattā (cūḷava. 261;) ‘‘naggo maggaṃ na vaje’’ti vuttaṃ.
১৬৭. পটিচ্ছাদিসূতি ‘‘তেন খো পন সমযেন ভিক্খূ জন্তাঘরেপি উদকেপি পরিকম্মং কাতুং কুক্কুচ্চাযন্তি। অনুজানামি, ভিক্খৰে, তিস্সো পটিচ্ছাদিযো জন্তাঘরপ্পটিচ্ছাদিং উদকপ্পটিচ্ছাদিং ৰত্থপ্পটিচ্ছাদি’’ন্তি এৰং ৰুত্তাসু তীসু পটিচ্ছাদীসূতি অত্থো। দুৰেতি এতাসু তীসু পটিচ্ছাদীসু উদকজন্তাঘরপ্পটিচ্ছাদিযো পরিকম্মে কপ্পন্তীতি অধিপ্পাযো। ৰত্থচ্ছাদীতি ৰত্থপ্পটিচ্ছাদি। সব্বত্থাতি খাদনীযসাযনীযাদীসু সব্বকম্মেসু কপ্পিযাতি অত্থো। নগ্গৰিনিচ্ছযো।
167.Paṭicchādisūti ‘‘tena kho pana samayena bhikkhū jantāgharepi udakepi parikammaṃ kātuṃ kukkuccāyanti. Anujānāmi, bhikkhave, tisso paṭicchādiyo jantāgharappaṭicchādiṃ udakappaṭicchādiṃ vatthappaṭicchādi’’nti evaṃ vuttāsu tīsu paṭicchādīsūti attho. Duveti etāsu tīsu paṭicchādīsu udakajantāgharappaṭicchādiyo parikamme kappantīti adhippāyo. Vatthacchādīti vatthappaṭicchādi. Sabbatthāti khādanīyasāyanīyādīsu sabbakammesu kappiyāti attho. Naggavinicchayo.
নগ্গনিদ্দেসৰণ্ণনা নিট্ঠিতা।
Nagganiddesavaṇṇanā niṭṭhitā.
