| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
২. নাগসেনপঞ্হো
2. Nāgasenapañho
২. থেরো আহ ‘‘লোণং, মহারাজ, চক্খুৰিঞ্ঞেয্য’’ন্তি। ‘‘আম, ভন্তে, চক্খুৰিঞ্ঞেয্য’’ন্তি। ‘‘সুট্ঠু খো, মহারাজ, জানাহী’’তি। ‘‘কিং পন, ভন্তে, জিৰ্হাৰিঞ্ঞেয্য’’ন্তি? ‘‘আম, মহারাজ, জিৰ্হাৰিঞ্ঞেয্য’’ন্তি। ‘‘কিং পন, ভন্তে, সব্বং লোণং জিৰ্হায ৰিজানাতী’’তি? ‘‘আম, মহারাজ, সব্বং লোণং জিৰ্হায ৰিজানাতি’’।
2. Thero āha ‘‘loṇaṃ, mahārāja, cakkhuviññeyya’’nti. ‘‘Āma, bhante, cakkhuviññeyya’’nti. ‘‘Suṭṭhu kho, mahārāja, jānāhī’’ti. ‘‘Kiṃ pana, bhante, jivhāviññeyya’’nti? ‘‘Āma, mahārāja, jivhāviññeyya’’nti. ‘‘Kiṃ pana, bhante, sabbaṃ loṇaṃ jivhāya vijānātī’’ti? ‘‘Āma, mahārāja, sabbaṃ loṇaṃ jivhāya vijānāti’’.
‘‘যদি, ভন্তে, সব্বং লোণং জিৰ্হায ৰিজানাতি, কিস্স পন তং সকটেহি বলীবদ্দা 1 আহরন্তি, ননু লোণমেৰ আহরিতব্ব’’ন্তি? ‘‘ন সক্কা, মহারাজ, লোণমেৰ আহরিতুং একতোভাৰগতা এতে ধম্মা গোচরনানত্তগতা লোণং গরুভাৰো চাতি। সক্কা পন, মহারাজ, লোণং তুলায তুলযিতু’’ন্তি? ‘‘আম, ভন্তে, সক্কা’’তি। ‘‘ন সক্কা, মহারাজ, লোণং তুলায তুলযিতুং, গরুভাৰো তুলায তুলিযতী’’তি।
‘‘Yadi, bhante, sabbaṃ loṇaṃ jivhāya vijānāti, kissa pana taṃ sakaṭehi balībaddā 2 āharanti, nanu loṇameva āharitabba’’nti? ‘‘Na sakkā, mahārāja, loṇameva āharituṃ ekatobhāvagatā ete dhammā gocaranānattagatā loṇaṃ garubhāvo cāti. Sakkā pana, mahārāja, loṇaṃ tulāya tulayitu’’nti? ‘‘Āma, bhante, sakkā’’ti. ‘‘Na sakkā, mahārāja, loṇaṃ tulāya tulayituṃ, garubhāvo tulāya tuliyatī’’ti.
‘‘কল্লোসি, ভন্তে নাগসেনা’’তি।
‘‘Kallosi, bhante nāgasenā’’ti.
নাগসেনপঞ্হো দুতিযো।
Nāgasenapañho dutiyo.
Footnotes:
