| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
৩. পঞ্চাযতনকম্মনিব্বত্তপঞ্হো
3. Pañcāyatanakammanibbattapañho
৩. রাজা আহ ‘‘ভন্তে নাগসেন, যানিমানি পঞ্চাযতনানি, কিং নু তানি নানাকম্মেহি নিব্বত্তানি, উদাহু একেন কম্মেনা’’তি? ‘‘নানাকম্মেহি, মহারাজ, নিব্বত্তানি, ন একেন কম্মেনা’’তি।
3. Rājā āha ‘‘bhante nāgasena, yānimāni pañcāyatanāni, kiṃ nu tāni nānākammehi nibbattāni, udāhu ekena kammenā’’ti? ‘‘Nānākammehi, mahārāja, nibbattāni, na ekena kammenā’’ti.
‘‘ওপম্মং করোহী’’তি। ‘‘তং কিং মঞ্ঞসি, মহারাজ, একস্মিং খেত্তে নানাবীজানি ৰপ্পেয্যুং , তেসং নানাবীজানং নানাফলানি নিব্বত্তেয্যু’’ন্তি? ‘‘আম, ভন্তে, নিব্বত্তেয্যু’’ন্তি। ‘‘এৰমেৰ খো, মহারাজ, যানি যানি পঞ্চাযতনানি, তানি তানি নানাকম্মেহি নিব্বত্তানি, ন একেন কম্মেনা’’তি।
‘‘Opammaṃ karohī’’ti. ‘‘Taṃ kiṃ maññasi, mahārāja, ekasmiṃ khette nānābījāni vappeyyuṃ , tesaṃ nānābījānaṃ nānāphalāni nibbatteyyu’’nti? ‘‘Āma, bhante, nibbatteyyu’’nti. ‘‘Evameva kho, mahārāja, yāni yāni pañcāyatanāni, tāni tāni nānākammehi nibbattāni, na ekena kammenā’’ti.
‘‘কল্লোসি, ভন্তে নাগসেনা’’তি।
‘‘Kallosi, bhante nāgasenā’’ti.
পঞ্চাযতনকম্মনিব্বত্তপঞ্হো ততিযো।
Pañcāyatanakammanibbattapañho tatiyo.
