| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੮. ਨਗਰવਿਨ੍ਦੇਯ੍ਯਸੁਤ੍ਤવਣ੍ਣਨਾ
8. Nagaravindeyyasuttavaṇṇanā
੪੩੫. ਏવਂ ਮੇ ਸੁਤਨ੍ਤਿ ਨਗਰવਿਨ੍ਦੇਯ੍ਯਸੁਤ੍ਤਂ। ਤਤ੍ਥ ਸਮવਿਸਮਂ ਚਰਨ੍ਤੀਤਿ ਕਾਲੇਨ ਸਮਂ ਚਰਨ੍ਤਿ, ਕਾਲੇਨ વਿਸਮਂ। ਸਮਚਰਿਯਮ੍ਪਿ ਹੇਤਨ੍ਤਿ ਸਮਚਰਿਯਮ੍ਪਿ ਹਿ ਏਤਂ।
435.Evaṃme sutanti nagaravindeyyasuttaṃ. Tattha samavisamaṃ carantīti kālena samaṃ caranti, kālena visamaṃ. Samacariyampi hetanti samacariyampi hi etaṃ.
੪੩੭. ਕੇ ਆਕਾਰਾਤਿ ਕਾਨਿ ਕਾਰਣਾਨਿ? ਕੇ ਅਨ੍વਯਾਤਿ ਕਾ ਅਨੁਬੁਦ੍ਧਿਯੋ? ਨਤ੍ਥਿ ਖੋ ਪਨ ਤਤ੍ਥਾਤਿ ਕਸ੍ਮਾ ਆਹ, ਨਨੁ ਅਰਞ੍ਞੇ ਹਰਿਤਤਿਣਚਮ੍ਪਕવਨਾਦਿવਸੇਨ ਅਤਿਮਨੁਞ੍ਞਾ ਰੂਪਾਦਯੋ ਪਞ੍ਚ ਕਾਮਗੁਣਾ ਅਤ੍ਥੀਤਿ? ਨੋ ਨਤ੍ਥਿ। ਨ ਪਨੇਤਂ વਨਸਣ੍ਡੇਨ ਕਥਿਤਂ, ਇਤ੍ਥਿਰੂਪਾਦੀਨਿ ਪਨ ਸਨ੍ਧਾਯੇਤਂ ਕਥਿਤਂ। ਤਾਨਿ ਹਿ ਪੁਰਿਸਸ੍ਸ ਚਿਤ੍ਤਂ ਪਰਿਯਾਦਾਯ ਤਿਟ੍ਠਨ੍ਤਿ। ਯਥਾਹ – ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਰੂਪਮ੍ਪਿ ਸਮਨੁਪਸ੍ਸਾਮਿ, ਯਂ ਏવਂ ਪੁਰਿਸਸ੍ਸ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ, ਯਥਯਿਦਂ, ਭਿਕ੍ਖવੇ, ਇਤ੍ਥਿਰੂਪਂ। ਇਤ੍ਥਿਰੂਪਂ, ਭਿਕ੍ਖવੇ, ਪੁਰਿਸਸ੍ਸ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤੀ’’ਤਿ (ਅ॰ ਨਿ॰ ੧.੧) વਿਤ੍ਥਾਰੇਤਬ੍ਬਂ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
437.Ke ākārāti kāni kāraṇāni? Ke anvayāti kā anubuddhiyo? Natthi kho pana tatthāti kasmā āha, nanu araññe haritatiṇacampakavanādivasena atimanuññā rūpādayo pañca kāmaguṇā atthīti? No natthi. Na panetaṃ vanasaṇḍena kathitaṃ, itthirūpādīni pana sandhāyetaṃ kathitaṃ. Tāni hi purisassa cittaṃ pariyādāya tiṭṭhanti. Yathāha – ‘‘nāhaṃ, bhikkhave, aññaṃ ekarūpampi samanupassāmi, yaṃ evaṃ purisassa cittaṃ pariyādāya tiṭṭhati, yathayidaṃ, bhikkhave, itthirūpaṃ. Itthirūpaṃ, bhikkhave, purisassa cittaṃ pariyādāya tiṭṭhatī’’ti (a. ni. 1.1) vitthāretabbaṃ. Sesaṃ sabbattha uttānamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਨਗਰવਿਨ੍ਦੇਯ੍ਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Nagaravindeyyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੮. ਨਗਰવਿਨ੍ਦੇਯ੍ਯਸੁਤ੍ਤਂ • 8. Nagaravindeyyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੮. ਨਗਰવਿਨ੍ਦੇਯ੍ਯਸੁਤ੍ਤવਣ੍ਣਨਾ • 8. Nagaravindeyyasuttavaṇṇanā
