| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. นาคปุปฺผิยเตฺถรอปทานํ
8. Nāgapupphiyattheraapadānaṃ
๓๙.
39.
‘‘สุวโจฺฉ นาม นาเมน, พฺราหฺมโณ มนฺตปารคู;
‘‘Suvaccho nāma nāmena, brāhmaṇo mantapāragū;
ปุรกฺขโต สสิเสฺสหิ, วสเต ปพฺพตนฺตเรฯ
Purakkhato sasissehi, vasate pabbatantare.
๔๐.
40.
‘‘ปทุมุตฺตโร นาม ชิโน, อาหุตีนํ ปฎิคฺคโห;
‘‘Padumuttaro nāma jino, āhutīnaṃ paṭiggaho;
มมุทฺธริตุกาโม โส, อาคจฺฉิ มม สนฺติกํฯ
Mamuddharitukāmo so, āgacchi mama santikaṃ.
๔๑.
41.
‘‘เวหาสมฺหิ จงฺกมติ, ธูปายติ ชลเต ตถา;
‘‘Vehāsamhi caṅkamati, dhūpāyati jalate tathā;
หาสํ มมํ วิทิตฺวาน, ปกฺกามิ ปาจินามุโขฯ
Hāsaṃ mamaṃ viditvāna, pakkāmi pācināmukho.
๔๒.
42.
‘‘ตญฺจ อจฺฉริยํ ทิสฺวา, อพฺภุตํ โลมหํสนํ;
‘‘Tañca acchariyaṃ disvā, abbhutaṃ lomahaṃsanaṃ;
นาคปุปฺผํ คเหตฺวาน, คตมคฺคมฺหิ โอกิริํฯ
Nāgapupphaṃ gahetvāna, gatamaggamhi okiriṃ.
๔๓.
43.
‘‘สตสหสฺสิโต กเปฺป, ยํ ปุปฺผํ โอกิริํ อหํ;
‘‘Satasahassito kappe, yaṃ pupphaṃ okiriṃ ahaṃ;
เตน จิตฺตปฺปสาเทน, ทุคฺคติํ นุปปชฺชหํฯ
Tena cittappasādena, duggatiṃ nupapajjahaṃ.
๔๔.
44.
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๔๕.
45.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา นาคปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā nāgapupphiyo thero imā gāthāyo abhāsitthāti.
นาคปุปฺผิยเตฺถรสฺสาปทานํ อฎฺฐมํฯ
Nāgapupphiyattherassāpadānaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๘. นาคปุปฺผิยเตฺถรอปทานวณฺณนา • 8. Nāgapupphiyattheraapadānavaṇṇanā
