| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. ปุนฺนาคปุปฺผิยเตฺถรอปทานํ
9. Punnāgapupphiyattheraapadānaṃ
๔๖.
46.
‘‘กานนํ วนโมคยฺห, วสามิ ลุทฺทโก อหํ;
‘‘Kānanaṃ vanamogayha, vasāmi luddako ahaṃ;
ปุนฺนาคํ ปุปฺผิตํ ทิสฺวา, พุทฺธเสฎฺฐํ อนุสฺสริํฯ
Punnāgaṃ pupphitaṃ disvā, buddhaseṭṭhaṃ anussariṃ.
๔๗.
47.
‘‘ตํ ปุปฺผํ โอจินิตฺวาน, สุคนฺธํ คนฺธิตํ สุภํ;
‘‘Taṃ pupphaṃ ocinitvāna, sugandhaṃ gandhitaṃ subhaṃ;
ถูปํ กริตฺวา ปุลิเน, พุทฺธสฺส อภิโรปยิํฯ
Thūpaṃ karitvā puline, buddhassa abhiropayiṃ.
๔๘.
48.
‘‘เทฺวนวุเต อิโต กเปฺป, ยํ ปุปฺผมภิปูชยิํ;
‘‘Dvenavute ito kappe, yaṃ pupphamabhipūjayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๔๙.
49.
‘‘เอกมฺหิ นวุเต กเปฺป, เอโก อาสิํ ตโมนุโท;
‘‘Ekamhi navute kappe, eko āsiṃ tamonudo;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๕๐.
50.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปุนฺนาคปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā punnāgapupphiyo thero imā gāthāyo abhāsitthāti.
ปุนฺนาคปุปฺผิยเตฺถรสฺสาปทานํ นวมํฯ
Punnāgapupphiyattherassāpadānaṃ navamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๙. ปุนฺนาคปุปฺผิยเตฺถรอปทานวณฺณนา • 9. Punnāgapupphiyattheraapadānavaṇṇanā
