| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
8. நாக³புப்பி²யத்தே²ரஅபதா³னங்
8. Nāgapupphiyattheraapadānaṃ
39.
39.
‘‘ஸுவச்சோ² நாம நாமேன, ப்³ராஹ்மணோ மந்தபாரகூ³;
‘‘Suvaccho nāma nāmena, brāhmaṇo mantapāragū;
புரக்க²தோ ஸஸிஸ்ஸேஹி, வஸதே பப்³ப³தந்தரே.
Purakkhato sasissehi, vasate pabbatantare.
40.
40.
‘‘பது³முத்தரோ நாம ஜினோ, ஆஹுதீனங் படிக்³க³ஹோ;
‘‘Padumuttaro nāma jino, āhutīnaṃ paṭiggaho;
மமுத்³த⁴ரிதுகாமோ ஸோ, ஆக³ச்சி² மம ஸந்திகங்.
Mamuddharitukāmo so, āgacchi mama santikaṃ.
41.
41.
‘‘வேஹாஸம்ஹி சங்கமதி, தூ⁴பாயதி ஜலதே ததா²;
‘‘Vehāsamhi caṅkamati, dhūpāyati jalate tathā;
ஹாஸங் மமங் விதி³த்வான, பக்காமி பாசினாமுகோ².
Hāsaṃ mamaṃ viditvāna, pakkāmi pācināmukho.
42.
42.
‘‘தஞ்ச அச்ச²ரியங் தி³ஸ்வா, அப்³பு⁴தங் லோமஹங்ஸனங்;
‘‘Tañca acchariyaṃ disvā, abbhutaṃ lomahaṃsanaṃ;
நாக³புப்ப²ங் க³ஹெத்வான, க³தமக்³க³ம்ஹி ஓகிரிங்.
Nāgapupphaṃ gahetvāna, gatamaggamhi okiriṃ.
43.
43.
‘‘ஸதஸஹஸ்ஸிதோ கப்பே, யங் புப்ப²ங் ஓகிரிங் அஹங்;
‘‘Satasahassito kappe, yaṃ pupphaṃ okiriṃ ahaṃ;
தேன சித்தப்பஸாதே³ன, து³க்³க³திங் நுபபஜ்ஜஹங்.
Tena cittappasādena, duggatiṃ nupapajjahaṃ.
44.
44.
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
45.
45.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா நாக³புப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā nāgapupphiyo thero imā gāthāyo abhāsitthāti.
நாக³புப்பி²யத்தே²ரஸ்ஸாபதா³னங் அட்ட²மங்.
Nāgapupphiyattherassāpadānaṃ aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 8. நாக³புப்பி²யத்தே²ரஅபதா³னவண்ணனா • 8. Nāgapupphiyattheraapadānavaṇṇanā
