| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
9. புன்னாக³புப்பி²யத்தே²ரஅபதா³னங்
9. Punnāgapupphiyattheraapadānaṃ
46.
46.
‘‘கானநங் வனமோக³ய்ஹ, வஸாமி லுத்³த³கோ அஹங்;
‘‘Kānanaṃ vanamogayha, vasāmi luddako ahaṃ;
புன்னாக³ங் புப்பி²தங் தி³ஸ்வா, பு³த்³த⁴ஸெட்ட²ங் அனுஸ்ஸரிங்.
Punnāgaṃ pupphitaṃ disvā, buddhaseṭṭhaṃ anussariṃ.
47.
47.
‘‘தங் புப்ப²ங் ஓசினித்வான, ஸுக³ந்த⁴ங் க³ந்தி⁴தங் ஸுப⁴ங்;
‘‘Taṃ pupphaṃ ocinitvāna, sugandhaṃ gandhitaṃ subhaṃ;
தூ²பங் கரித்வா புலினே, பு³த்³த⁴ஸ்ஸ அபி⁴ரோபயிங்.
Thūpaṃ karitvā puline, buddhassa abhiropayiṃ.
48.
48.
‘‘த்³வேனவுதே இதோ கப்பே, யங் புப்ப²மபி⁴பூஜயிங்;
‘‘Dvenavute ito kappe, yaṃ pupphamabhipūjayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
49.
49.
‘‘ஏகம்ஹி நவுதே கப்பே, ஏகோ ஆஸிங் தமோனுதோ³;
‘‘Ekamhi navute kappe, eko āsiṃ tamonudo;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
50.
50.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா புன்னாக³புப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā punnāgapupphiyo thero imā gāthāyo abhāsitthāti.
புன்னாக³புப்பி²யத்தே²ரஸ்ஸாபதா³னங் நவமங்.
Punnāgapupphiyattherassāpadānaṃ navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 9. புன்னாக³புப்பி²யத்தே²ரஅபதா³னவண்ணனா • 9. Punnāgapupphiyattheraapadānavaṇṇanā
